محمود حميدة: «تكريمي في مهرجان الجونة خلاني أعرف قيمتي عند الناس»

كشف الفنان محمود حميدة العديد من الأمور التي تخص صناعة الفن في مصر، وكذلك كواليس أدواره طوال مسيرته الفنية، خلال ندوة بمهرجان الجونة السينمائي اليوم، وذلك بعد تكريمه في حفل افتتاح المهرجان أمس.
وقال محمود حميدة خلال الندوة: «يوسف شاهين مش صعب في التعامل نهائي، واللي قال كدا ممكن يكون عنده اختلاف في وجهة نظر معاه شخصية، ولكن في العمل هو مخرج جيد، ويمتلك كل العناصر، وعنده تنظيم جيد لكل الأعمال الفنية، قبل ماييدأ تصوير بيبقي عامل جدول في أيام التصوير وعدد الساعات كمان، عشان لما يروح اللوكشين يبقي متفرغ للعملية الإبداعية بتاعته».
تكريم محمود حميدة بمهرجان الجونة
وأضاف محمود حميدة «أنا مكنتش عارف معني التكريم والهدية اللي بعد ماعديت الأربعين سنة، يعني لما اللي كان بيجبلي هدية في عيد ميلادي كان بيقولي ليا قوله شكرا، أسالهم ليه انا مقولتش يجيلي حاجة، الهدية بتعمل تقارب من الأشخاص لبعضهم، ولما كنت أعرف إني هستلم جائزة كنت بحس إني عايز استخبي».
محمود حميدة: مبسوط جدا بالتكريم
وتابع: «ولكن اللي حصل امبارح على مسرح مهرجان الجونة خلاني أشوف الناس شايفني إزاي، لأني عمري ما كنت باخد بالي من دا، فانا مبسوط جدا الصراحة».