تسأل اليوم العديد النشطاء على موقع التواصل الاجتماعى فيس بوك و "تويتر " عن الاموال التى جمعها الشيخ محمد حسان مقابل الاستغناء عن المعونة الامريكية ومنها: "فين الفلوس اللى لمها الشيخ حسان" "اعتبره ابوك يا جدع هو ابوك لو خد منك فلوس بترجع تاني" و"القانون لا يحمي المغفلين" "شعار الفاسدين : خذوا اللقمة من أفواه الكادحين" "جاب بيها هوووووووولز لمصر كلها" "عمل بيها بوسترات لابو اسماعيل " فيما علقت نوارة نجم: " طب هم شايلين لنا الفلوس في البنك عشان لما نكبر ونتجوز يجهزونا بيها. واحد بيقولك اسألوا الجهاز المركزي للمحاسبات.. انتوا حتمطوحونا ما بين ابو النجف والجهاز المركزي؟ فين الفلوس اللي لمها الشيخ حسان. اللي اتبرعوا في الحملة دي اتبرعوا بناء على دعوة الشيخ حسان عشان نستغنى عن المعونة.. المعونة جات فين الفلوس اللي لمها الشيخ حسان. يعني فلوسنا ناخدها من ابو النجف ولا من البنك ولا من المركزي للمحاسبات ولا من الحفظ ولا من الصون؟" و فى سياق اخر لم يدافع الشيخ حسان عن نفسه .