موضوع الحلقة : المشهد المصري في ظل ترشح المشير عبد الفتاح السيسي جورج رشاد: اهلا بكم في حلقة جديدة من برنامج 45 دقيقة .. معنا في الاستوديو الكاتب الصحفي بالاهرام اشرف ابو الهول .. دلالات الجمل والعبارات من موقف الدول المختلفة سواء العربية او الغربية من جدول الانتخابات الرئاسية وموقف المصريين المقيمين في الخارج هل تعتقد ان يترشح احد اخر لانتخابات الرئاسة الكاتب الصحفي/ أشرف أبو الهول: اتوقع ناس كتير تنزل وفيه ناس عايزة شو وشهرة ومتوقع ان كتير يعلنوا الترشح ولكن هل هيقدروا يجمعوا كم التوكيلات المطلوبة وتذكر الانتخابات الرئاسية الماضية جورج رشاد: ولكن البعض يرى ان الوضع يختلف عما قبل بعد ترشح المشير عبد الفتاح السيسي وحمدين صباحي وكل منهم له ارضيته وشعبيته وقد يكون من لاصعب المنافسة الكاتب الصحفي/ أشرف أبو الهول: دا اكيد .. مفيش حد كبير له وزنه هيفكر ينافس المشير السيسي الا اذا كان بيثق في نفسه جدا زي حمدين صباحي جورج رشاد: يرى البعض ان فترة الحملة الانتخابية لرئاسة الجمهورية ستستمر الى 15 مايو و17 و18 مايو الانتخابات الرئاسية الكاتب الصحفي/ أشرف أبو الهول: احنا شفنا الانتخابات اللي فاتت اعلان النتيجة النهائية اخد وقت وانت لاتتحكم في الفترة التي تفرز فيها لكن الجدول تقريبي ولكن نهاية العملية بشكل رسمي صعب يكون فيه 24 مايو ولكن واضح ان الانتخابات هتبقى ثنائية بيم المشير وصباحي ومش هيكون فيه فرسين في السباق غير الاتنين دول جورج رشاد: اهتمام السيسي بالملف الامني وقضية البطالة وما يترتب عليها ن مشكلات اقتصادية والتعليم والصحة الكاتب الصحفي/ أشرف أبو الهول: هو اتكلم بشكل عام ولكن هينزل البرنامج التفصيلي بتاعه وعلى ما تسرب هو برنامج طموح يلبي احتياجات الشعب المصري جورج رشاد: لو حللنا خطاب المشير عبد الفتاح السيسي الكاتب الصحفي/ أشرف أبو الهول: هو اللي استوقفني الحديث عن الارهاب اللي بتواجهه فالمعركة ضد التطرف وضد التكفيرين وتبدا من خارج حدود مصر وتحديدا من ليبيا والجزائر واللي بيعتبروا ان النظام الحالي في مصر عدو ليهم فبيضغط على المصريين اللي هناك عشان يرجعوا ويمثلوا ضغط على الاقتصاد المصري وبيساعدوا في تهريب السلاح والارهابيين والناحية التانية حماس في غزة اللي بتتدرب وعناصر من حماس موجود في اوربا واوكرانيا وقطر بتقود الحرب ضد مصر واعتقد انه فيه حاجة كويسة حصلت وهي تشكيل قوة الجيش المصري للسلام وعندنا جيش اول وجيش تاني وتالت .. هذه القوة شكلت عشان تبقى رسالة انه اذا اكتشفت انه فيه معسكر تدريب جوه غزة وفيه مصريين هروح له .. فيه حاجة اسمها المطاردة الساخنة انه حد اعتدى عليك وطلع حتة تانية من حقك تطلع وراه ولا يعد ذلك اعلان حرب على تلك الدولة لسبب بسيط ان غزة ليست دولة وانما حماس اللي خاطفاها جورج رشاد: اذا افترضنا ان دولة تنعمك بالاستقرار هل من الممكن التدخل الكاتب الصحفي/ أشرف أبو الهول: انت في هذه الحالة تخاطب هذه الدولة ولو بتحترم القانون الدولي بتشوف مين انتهك سيادة الارض وعندنا الولاياتالمتحدة بطيارات بدون طيار بتقتل ناس في اليمن وباكستان لان الدولة المركزية في هذه الدول لم توقف العنف جورج رشاد: ما موقف الدول العربية والتي دعمت مصر بعد 30 يونيو من ترشح السيسي الكاتب الصحفي/ أشرف أبو الهول: دا سؤال مش محتاج اجابة عليه لانه الاجابة واضحة جورج رشاد: السودان وتونس وقطر خاصة مع عدم ذكر الرئيس السوداني خارطة المستقبل الكاتب الصحفي/ أشرف أبو الهول: الرئيس عمر البشير تتم محاكمته كمجرم حرب عشان الجرائم التي ارتكبت في دارفور والبشير احد اسباب حالة الانفلات في مصر بسبب تهريب الاسلحة الى مصر بواسطة افارقة والبشير جزء من جماعة الاخوان المسلمين ومعظم اللي خرجوا خرجوا عن طريق السودان .. الكاتب الصحفي/ أشرف أبو الهول: نجد ايضا ردود فعل غربية والصحف الغربية تاتي لتقول ان وزير الدفاع الذي أزال أو رئيس منتخب ماصدى هذه التصريحات المستفزة جورج رشاد: فيه رؤساء كتير عسكريين ورشحوا نفسهم وفيه من اصبح معبود الجماهير زي رئيس الارجنتين ولكن القصة ان الغرب بيحاول ان يتصيد الاخطاء وهما ماقالوش في تصريحاتهم انه اول رئيس مدني منتخب متهم جاب جماعته عشان تستولي مصر بالكامل جورج رشاد: الولاياتالمتحدة تخشى من عودة ناصر جديد الكاتب الصحفي/ أشرف أبو الهول: الولاياتالمتحدة تتراجع قوتها وهي الراعية لاسرائيل وفي الوقت اللي دمرت الجيوش العربية تاللي حوالين اسرائيل يفاجئوا ان اكبر دولة عربية تتجه للاستقرار .. فهو بدل مايقولك ادخل في مواجهة يقولك الديموقراطية ودا راجل عسكري فالغرب فعلا عنده مشكلة من ناحية عارف ان الاخوان افسدوا في الارض جورج رشاد: تصريحات جون كيري بشان استعداد الولاياتالمتحدة بالتعاون مع السيسي بشرط ان يشرك الاخوان في العملية السياسية الكاتب الصحفي/ أشرف أبو الهول: هما بيحاولوا يلعبوا على كل الحبال يعني الولاياتالمتحدة بتبين للتكفيريين انها مش ضدهم ودي الفكرة اللي خلتهم دعموا الاخوان في مصر وليبيا وسوريا
