محمد القاضى : اهلا بكم فى 45 دقيقة الفترة الماضية كان معظم كلامنا فى الاقتصاد والمشاكل الاجتماعية والسياسية وكيف لمصر ان تنهض مرة اخرى من كبوتها الحالية وبنرجع نتكلم فى وجود استثمارات اجنبية ونتكلم فى انضباط الشارع المصرى والامن هو كلمة السر فى هذه الفترة اللى كلنا بنتكلم عنه من يقوم بهذا العمل الشرطة وكيف يمكن ان نتعامل معها فى الفترة القادمة ما الجديد فى تاهيل ضابط الشرطة المصرى فى هذه المرحلة هل تغيرت المفاهيم وهل الطلبة فى كلية الشرطة بتتدرب على مفاهيم جديدة غير نفس التدريبات التى كانت تتدرب عليها فى العصر السابق السابق خصصنا وقت كبير لهذه القضية اسئلة كثيرة هيكون ضيفنا مساعد وزير الداخلية ورئيس اكاديمية الشرطة ضيفنا اللواء احمد جاد هنشوف عناوين الاخبار ثم نكمل - هنية يؤكد لا للوطن البديل وشهداء الجيش المصرى فى رفح هم شهداء فلسطين. - محافظ البنك المركزى يؤكد 1.8مليار دولار لاستيراد السلع الاساسية الشهر الحالى . - للتذكير اخر موعد لتسليم الاقرارات الضريبية للافراداليوم الاحد السادسة مساءا . - رئيس اكاديمية الشرطة يؤكد لا معايير جديدة لاختيار الطلاب وزمن الواسطة انتهى . - رئيس وزراء حكومة حماس فى غزة اسماعيل هنيه صرح تصريح مهم جدا قال احناملتزمين بعدم التدخل بشئون مصر الداخلية ونقف على مسافة واحدة من كل القوى السياسية بمصر كما قال ان حماس حركة تحرر وطنى تقود المقاومة وبصلتها نحو القدس وباقى اراضى فلسطين ايضا ولن تضل الطريق باذن الله .. رد على اتهامات كثيرة وجهت لحماس انها وراء مقتل شهدائنا فى رفح - محافظ البنك المركزى يقول ان 1.2 مليار دولار لتمويل استيراد السلع الاساسية الشهر الحالى ورد على بعض الاراء فى ان الدولة لن تفى باحتياجات الدولة لتوفيرالسلع الاساسية وقال لا مشكلة لدينا بالنسبة للسلع الاساسية وكان الاحتياطى النقدى فى البنك المركزى يظل محدودا رغم كل الالتزامات بتسديد الاستحقاقات الخارجية على مصر واكد ان جرى اضافتة بالاحتياطى النقدى من واردات قناة السويس وتحويلات المصريين بالخارج والسياحة ونفى ارسال خطاب للرئيس مرسى بعجز البنك المركزى عن توفير النقد الاجنبى لتمويل استيراد السلع الاساسية واكد نفى الخبر الذى تم تداولة عن ذلك . - هناك خبر يتكلم عن الاقرارات الضريبية اخر موعد لتقديم الاقرارات الضريبية للافراد اليوم الساعة 6 مساءا اكد على ذلك مصلحة الضرائب للاشخاص الطبيعيين ماموريات الضرائب كلها فتحه ابوابها لاستقبال الممولين تقرير للزميل احمد فؤاد حول تقديم الاقرارات الضريبية مشهد يتكرر كل عام ولكن هذا العام يختلف فىالاقبال على تقديم الاقرارات الضريبية للمهن الحرة المقرر تقديمها حتى نهاية مارس 2013 الاقبال اكد اهتمام المواطنين بمصلحة مصر العليا وذكر ممدوح سيد عمر رئيس مصلحة الضرائب اكد على ان أ. ممدوح عمر : تقديم المواطن للاقرارات الضريبية يمكنة من الحصول على احتياجاتة كاملة المصلحة حققت حوالى 130 مليار جنية مطلوب فى نهاية العام 238 مليار جنية وكذلك لتحقيق العدالة الاجتماعية بين كافة اطياف المجتمع ويتوقف ذلك على المصداقية بين اطياف مجتمع الشعب المصرى كما ذكر ممدوح سيد رئيس مصلحة الضرائب ان حد الاعفاء الضريبى وصل الى 12 الف جنية محمد القاضى : الشغل الشاغل لنا جميعا هو عودة الامن والامان بشكل كامل للشارع المصرى ورجل الشرطة هو الاداة الاساسية لعودة الامن كيف نعيد تاهيل هذه الكوادروتسليحها تسليح جديد سواء مادى او علمى هناك الكثير والكثير يمكن ان يقال حول هذا الملف محمد القاضى : لواء دكتور/ احمد جاد منصور مساعد وزير الداخلية ورئيس اكاديمية الشرطة اهلا بحضرتك لواء دكتور/ احمد جاد منصور : اهلا وسهلا محمد القاضى : انا دلوقتى باتكلم مع رئيس اكاديمية الشرطة حضرتك معنى بالكادر البشرى فى هذا الشان امكانات مادية ومبانى وتسليح لكن الكادر البشرى العنصر البشرى هو الاهم لواء دكتور/ احمد جاد منصور : طبعا محمد القاضى : الفترة اللى فاتت كانت الضباط مشكلتهم دائما مفيش التاهيل التجهيزات الكافية لحمايتهم اثناء العمل تنفيذ الماموريات حمايتهم اثناء تنفيذ الماموريات والمهام ايه اللى حصل خلال هذه الفترة لتنفيذ هذا لواء دكتور/ احمد جاد منصور : مساء الخير نشكر القناة على الاهتمام بهذا الامراولا العنصر البشرى ضباط افراد مجندين ما يتعلق بقطاع الشرطة واكاديمية الشرطة اللى هيبقوا ضباط وعندنا عدد من الضباط بياخذوا تدريبات ودراسات عليا ..الافراد مصلحةالتدريب ده قطاع اخر بيتولى تدريبهم .. بالنسبة للمجندين فى قطاع اسمة قوات الامن بيتولى تدريب المجندين محمد القاضى : الامناء لواء دكتور/ احمد جاد منصور : الافراد هم الامناء والمندوبين والمراقبين والصولات مايتعلق باكاديمية الشرطة حضرتك بتقول ايه هى ا ليات الاعداد على اساس يبقى فى تفعيل لقدرة الضابط اول ما يتخرج ليفعل الامن ويحقق الاستقرار محمد القاضى : اليات حماية الضابطده مطروح من قبل الضباط وحضرتك شفت الاحتجاجات اللى حصلت فى الفترة الاخيرة لواء دكتور/ احمد جاد منصور : حماية الضباط وحماية الطلبة تقتضى ان نتكلم عن عدد من المحاور الاول لازم اعيد بناء الطلبة والضباط نفسيا اللى حصل السنتين اللى فاتوا تداعيات الثورة وماتم من انفلات امنى وانفلات سلوكى وما حدث لوزارة الداخلية كان امر جسيم جدافلابد من اعادة التاهيل النفسى لوزارة الداخلية وده اهم حاجة نمرة 2 تاهيل علمى وتاهيل قانونى وامنى من خلال مناهج قانونية وامنية تدرس للطلبة فى كلية الشرطة والضباط فى كلية التدرب والتنمية فى اكاديمية الشرطة وفى كلية الدراسات العليا باكاديمية الشرطة لذلك تاهيل عملى على اعلى مستوى فى ضوء كل المتغيرات والانفلات وزيادة الجرائم وخطورة الجرائم واعداد الجرائم كثفنا التدريب العملى لحماية اولادنا جميعا ايضا من الناحية الثقافية لابد ان يكون هنالك تاهيل ثقافى وارتباطة الشديد بالعلوم القانونية والعلوم الامنية عشان الطالب يطلع مؤهل علميا قانونيا امنيا عمليا ثقفيا فى نقطة مهمة لازم اقولها فى نقس شديد فى التجهيزات على مستوى الوزارة وده بيدى بعض المطالبات عايزين طلبات بدل كل الحاجات اللى اتدمرت عشان حماية الضابط محمد القاضى : جزئية التاهيل النفسى ماالمقصود بها لواء دكتور/ احمد جاد منصور : لماحضرتك بتمر بظروف غير عادية الناحية السيكولوجية عندك مش مضبوطة الناحية النفسيةعندك مش مضبوطة تراجع الحالة المعنوية محمد القاضى : الجيل اللى طالع طلبة الاكاديمية دلوقتى الكلية مفروض يؤهلوا علشان هيطلعواضباط فى مرحلة تاريخية مختلفة عن اللى سبقوهم قبل كده وطلعوا فيهم كيف تم تحديث مسالة تاهيل طالب كلية الشرطة وتدريبة وتعليمة ايه مكنش موجود قبل الثورة واصبح موجود الان لواء دكتور/ احمد جاد منصور : حتى لا نبخس حق الاجيال السابقة اللى كان موجود فى المناهج والبرامج التعليمية مش هنقول غيرناه 180 درجة الكلام ده خارج اطار المنطق لان عندى مناهم قانونية وعلمية تعتبر اسس لتاهيل رجل الامن المحترف ولكن اللى بيخلى يبقى فى تطوير ان انا عندى مستجد كبير وحقائب باشتغل معاها بيقال ان وزارة الداخلية مسئولة عن النظام القديم وقلناان الفساد كان موجود ومستشرى فى كل مفاصل الدولة وبعدين المتوالى الثانى اللى لازم اشتغل عليه ان فى فجوة بين المواطنين وجهاز الشرطة لكن الغالبية العظمى من المواطنين الشرفاء داخل جمهورية مصر العربية اوجه لهم كل تقدير وكل احترام وكل شكر لان احنا استشعرنا خلاص ان همايقدروا دور الشرطة وتضحيات الشرطة وعمل جهاز الشرطة اماالجديد فى ضوء المتغيرات عندى الجريمة بقت مش على مستوى وطنى بس لأ دا فى حاجات جاية لك من دول ثانية فا اخذنا بلنا الجريمة عبر الوطنية سلاح مخدرات غسل الاموال ذرع الاعضاء نقل الاعضاء خطف الاناث قصص كبيرة جدا فلازم تبقى رؤية الضابط واللى بيجى ياخذ تدريب عندى لازم تبقى اوسع وهو بياخذ بلاغ فى جريمة عادية تقليدية او جريمة ملمسة هى الاخرى او واصلة لاطر عالمية محمد القاضى : جرائم عابرة للحدود لواء دكتور/ احمد جاد منصور : وطنية او جرائم فيها ارتباط بمعنى ايه تلاقى تاجر المخدرات بيجى له فلوس فايشترى سلاح وبعدين يجلى له فلوس با يشتغل فى ذرع الاعضاء قصة وحدوتة محمد القاضى : كتب جديد مكنتش بتدرس قبل كده لواء دكتور/ احمد جاد منصور : فى كده وفى كده فى حاجات اتعدلت وفى حاجات بقت جديدة بمعنى ايه محمد القاضى : ممكن تقول لى اسماءهم لواء دكتور/ احمد جاد منصور : طبعا .. فى الاطار الثانى بتاع تفعيل الصورة الذهنية والتعامل مع المواطنين كتاب اخلاقيات الوظيفة الامنية وادارة العمل الامنى فى مراكز واقسام الشرطة اخلاقيات الوظيفة بتعامل مع الناس فى الشارع ازاى الكمين مهارات الاتصال الامنى مهمه جدا وفن التعامل مع الاخرين دى بتدرس للطلبة فى دورات تدريبية الان للضباط لمهارات الاتصال الامنى واعداد متحدثين رسميين لكل جهات الوزارة محمد القاضى : ده خبر وزارة الداخلية بصدد تشكيل لجنة استشارية اعلامية من رجال الاعلام المؤهلين من اساتذة الجامعات ذوى الحياد والكفاءة العلمية تم تشكيل هذه اللجنة واجتمعوا معانا بعد موفقة السيد الوزير حطينا المشكلات كلها وحطينا الاهداف كلها اللى عايزين نوصل لها تفعيل الامن الاستقرار المعاملة مع الجمهور تزويب الفجوة كل الحاجات دى الهدف بتعنا حطوا كل الادوات التنفيذية اللى نشتغل عليها محمد القاضى : سيادة اللواء الاسئلة كثير وفيما يخص الطلاب وتاهيلهم نطلع فاصل ونرجع نكمل لواء دكتور/ احمد جاد منصور : اتفضل يا افندم فاصل محمد القاضى : سيادة اللوا كان يقال فى فترات سابقة اعداد طالب كلية ا لشرطة كان خلالها ال 4 سنين بتوع التاهيل كان بيؤصل فى وجدانه انه باشا الى اى مدى كان ده موجود والى اى مدى ده اتغير واتغير لايه لواء دكتور/ احمد جاد منصور : التراث التاريخى ا حنا مش مسئولين عنه لقب باشا وبيك والحاجات دى كانت محمد القاضى : لااقصد اللقب اقصد المعنى باشا يعنى انت فوق ال لواء دكتور/ احمد جاد منصور : بس علشان اوضح لحضرتك اللقب تراث تاريخي لغة عامية مازال الشعب المصرى كله بيستخدمها نوع من المحبة التقدير السخرية انماكون الطالب بيتربى على انه باشا ويبقى نظرة فوقية للناس بقالى 40 سنة فى كلية الشرطة لاصادفت الكلام ده من ايام ما كنت طالب ولا هو موجود الان هو فى سمعة موجودة عن هذا الموضوع الضابط فى الكلية بيتعلم قانون علشان يشتغل صح يتعلم امن علشان يقدم الخدمة الامنية رخصة جواز سفر تصريح او عمل اى شئ بيتمرن علشان يقلل من الجرائم ده معناه انى اعمل طالب وضابط شرطة مؤهل ومحترف انما كونى احطه تحت ضغط تدريبى انا باحمى حياته محمد القاضى : العقيدة اللى بترسخ فى ذهن الطالب هى ايه فى كلمتين لواء دكتور/ احمد جاد منصور : رجل الشرطة مهنى محترف لاعلاقه له بالسياسة هدفة تحقيق الامن واعلى معاملة لجميع المواطنين فى اطار القانون وحقوق الانسان محمد القاضى : دى العقيدة اللى بترسخ الان لواء دكتور/ احمد جاد منصور : اكاديمية الشرطة فى مصر مصنفة كالاتى اكبر اكاديمية شرطة فى العالم وثالث اقوى اكاديمية شرطة فى العالم محمد القاضى : تصنيف من حيث ايه لواء دكتور/ احمد جاد منصور : النوعية محمد القاضى : لأ يعنى اى جهة اللى صنفت هذا التصنيف لواء دكتور/ احمد جاد منصور : جلنا لجنة من الاممالمتحدة اسمها لجنة مكافحة الارهاب سنة 2008 وجت شافت الاكاديمية عندنا وطلعت تقرير ونقالت باللفظ ان اكادمية الشرطة المصرى لديها الصلاحية ان تنظم اقوى البرامج التدريبية فى كل المجالات الامنية محمد القاضى : بيجى طلبة من دول اخرى بيتدربوا لواء دكتور/ احمد جاد منصور : طبعا من افريقيا ودول حوض النيل طلبة ضباط من دول الكومنولث الاتحاد السوفيتى المقسم للتدريب واحنا بنسعى لعمل مركز ثالث على مستوى اوروبا يفيد ونستفيد من الدول العربية بتيجى تاخذ ماجيستير ودكتوراةعندى طلبة من قطر وفلسطين والسودان ومن جذر القمر محمد القاضى : انا فى امس الحاجة للشعور بالفخر لمؤسسة من مؤسسات الدولة المصرية بالنسبة للضابط المحترف لو تقدم لك فى كلية الشرطة مجموعة من الطلاب من اللى بيتقدموا كل سنة والتحريات قالت هذا الطالب او هؤلاء المجموعة لهم انتماء سياسى اوحزبى موقفك منهم ايه لواء دكتور/ احمد جاد منصور : طبقا للدستور المادة الاولى بتقول ايه المواطنة كل من يحمل جنسية مصر العربية له ذات الحقوق وذات الواجبات الشرطة لا علاقة لها بالسياسة وفى قانون بيمنع هذا جميع الضباط وعدم المشاركة فى الانتخابات لانك جهة محايدة محمد القاضى : لكن اذا كان ينتمى لفصيل سياسى اى ان كان هذا الفصيل لواء دكتور/ احمد جاد منصور : ما بتفرقش معايا خالص ولا بنبص لها وياريت نعى الفارق بين السياسة والادارة لا نخلط الاوراق السياسة حاجة لها ناسها وانا عايز ادير الدولة دى قصة تانية ملهاش علاقة بالسياسة انا عايز ناس تفعل الامن عايز ناس تحقق الصحة العامة من خلال وزارة الصحة الزراعة من خلال وزارة الزراعة فى مقولة تقول دع الناس يتنافسون حول اشكال الحكومة من الناحية السياسية ولكن افضل الدول على الاطلاق افضلها فى الادارة هنطلع فاصل بس معانا طالما بتقبل كل الانتماءات بترفض ليه الطالب الملتحى ؟ فاصل لواء دكتور/ احمد جاد منصور : هذا الطالب اللى قال الشعر اللى شفناه من بيوت مصر وشعب مصر وعايز ااكد على معنى واحد شنفا النصب التذكارى باوجة العزاء الخالص لكل تضحيات وزارة الداخلية وكل شهداء مصر الحقيقين واخص ولادنا اثناء اداء عملهم واهالى الطلبة فى بداية العام الدراسى وضباط الجيش والموظفين واللى بجلبية محمد القاضى : ليه ما بتقبلوش فى وسط الناس دى الطلاب الملتحين لواء دكتور/ احمد جاد منصور : ممكن اجاوب بسؤال تسمح لى محمد القاضى : ممكن ما اجاوبش لواء دكتور/ احمد جاد منصور : حضرتك لو اتعينت فى بنك بكره تقدر تروح بتيشرت وكاجول فى لوائح وفى حاجات سعت عارف ان انت هتلبسها ولازم هتلبس القميص المحترم ده بالكارافاتة دى محمد القاضى : لبسين الزى الطلبة او الضباط الملتحين لواء دكتور/ احمد جاد منصور : ما اختلفناش انا بادى لك المعنى فى قواعد معينة لو قبلتها تخش فيها المطار وسعت مسافر هترفض تدخل من البوابة بتاعت المسافرين فى منظمة الفاو وطيران دولية ولو رفضت ما انتش مسافروانت عارف كده كل منظمة وكل مؤسسة من حقها ان تضع قواعد معينة محمد القاضى : عندكوا قاعدة بتتكلم فى مسالة اللحية لواء دكتور/ احمد جاد منصور : طبعا ولما بقى فيها كلام حطناها فى كراسة الشروط للطلبة المتقدمين وبوضوح بس فى جزئية لازم اوضحها مش عايزين ندخل نفسنا فى معتركات فى ظل تعدد الديانات الموجودة عندنا مش عايز نظر دينى فى ناس فى الهند بوزيين وبيربوا شعرهم وذهنهم وفى ناس ملحدين خالص وبيربوا ذقنهم فخلينا يعنى نميل الى الموضوعية محمد القاضى : حضرتك ترفض الطالب الملتحى وفى ذات الوقت موقفك ايه من الضباط الملتحين ؟ لواء دكتور/ احمد جاد منصور : اللى هيجيب حكم قضائى هيتنفذ محمد القاضى : رايك فى طلبة كلية الحقوق ممكن يعاد تاهيلهم من خلال طلبة كلية ا لشرطة ويبقوا ضباط سد العجز فى اماكن معينة لواء دكتور/ احمد جاد منصور : والله اى اقتراحات لابد ان تدرس رايى انا من 30 سنة درست فى الادارة فى التنمية البشرية بالتطبيق على الشرطة ان الشرطة تعانى من ايه مش من العجز من التكدس محمد القاضى : عدد الضباط كثير ؟ لواء دكتور/ احمد جاد منصور : الضباط والافراد محمد القاضى : معلوماتى عندكوا عجز لواء دكتور/ احمد جاد منصور : هقول لحضرتك القصة ايه محمد القاضى : 35 الف ضابط لواء دكتور/ احمد جاد منصور : وحوالى 360 الف فرد محمد القاضى : غير الامن المركزى مليون او حاجة زى كده لواء دكتور/ احمد جاد منصور : القصة ليست عجز ولكنها اعادة توزيع ممكن ارشد فى بشر انا كنت قاعد مع مدير امن فى ايطاليا مدينة روما واستغرب ان الضباط عندنا ماسكة موضوع الحماية المدنية او المرافق قال ده شغل مدنى ليس له اى بعد امنى محمد القاضى : هل يدخل فى قضية اعادة هيكلة الشرطة رؤيتك فيه بشكل عام لواء دكتور/ احمد جاد منصور : رؤيتى هى رؤية العلم حينما نتحدث عن تفعيل اوتطوير اى منظمة اى حاجة باتكلم على 4 محاور باعمل محور بشرى انمية وارشدة واعلمة واهله .. محور مادى التقنيات .. عملك البناء التنظيمى اللى يفعل قدرتك على تحقيق اهدافك .. اديك الفريم القانونى اللى يديك الشرعية ماتعملش حاجة مخالفة للقانون الاربع محاور دول على التوالى محمد القاضى : هل المصالح التى كانت تتبع وزارة الداخلية تخرج من نطاق وزارة الداخلية لواء دكتور/ احمد جاد منصور : نفرق بين حاجتين مسئولية الامن لاجدال شرطة الامن فى لندن تبع شركة مدنية محمد القاضى : انا سعيد جدا بهذا اللقاء شكرا جزيلا سيادة اللواء احمد جاد شكرا جزيلا لواء دكتور/ احمد جاد منصور : العفو محمد القاضى : شكرا لكم مشاهدينا بكرة انشاء الله حلقة جديدة تابعونا .
