وراء الاحداث

31/12/2010
د/عبد المنعم سعيد:مساء الخيرهذه هي الحلقة الثانية في محاولتنا لتتبع أحداث عام 2010 وإستطلاع أحداث عام 2011 في الحلقة السابقة كان العالم الذي كنا ندورفيه هوعالم السياسة – عالم السياسة علي مستوي العالم كله وعلي المستوي الإقليمي للشرق الأوسط وعلي المستوي الداخل المصري اليوم سوف نركزعلي زاوية أخري لا تقل أهمية هي الإقتصاد باقي ساعات قليلة وينتهي هذا العالم أو هذا العالم في عام 2010 ويبدأ عام جديد ونريد أن نعرف ما الذي جري هل نستطيع أن نأخذ نوعا من الحصاد الذي حدث وعما إذا كان هذا الحصاد يعطينا أي ومضات أي نقاط يمكن إذا ربطناها ببعضها البعض أن نصل الي إستنتاج هنا أو هناك بالنسبة للإقتصاد العالمي بالطبع السؤال الأساسي الذي طالما سألناه في هذا البرنامج في أكثر من حلقة سابقة والذي يلح علينا الآن ويلح علي كثيرين هو ما الذي حدث للأزمة الإقتصادية هل هذه الأزمه الإقتصادية علي وشك أن تنتهي أوأنها إنتهت بالفعل أوأنها لم تنتهي علي وجه الأطلاق وأنها مستحكمة ومستوطنة في الإقتصاد العالمي نعرف عندما حاولنا في عام 2009 أن نجيب علي هذا السؤال كان الحديث إنه العالم بدأ يخرج من الأزمة الإقتصادية وإنه في عام 2010 سوف يدخل في مرحلة نمو وبعد ذلك 2011 بدأ مرحلة إنطلاقه كان الأمريبدوا بسيطا كما يُقال لي أو خطيا بشكلٍ أو بآخر ولكن ما حدث فعلا إنه العام كان معقد بدأ في إرتفاع في أسعار البورصات العالمية ثم فجأة وجدنا أنفسنا أمام أزمات إقتصادية طاحنة في أوربا وبدأ الحديث فيها في اليونان وبعد ذلك في أسبانيا أيرلندا حتي إيطاليا طالها الحديث فرنسا بدرجات مختلفة ربما لم توجد أخبارطيبة نسبيا ألا في ألمانيا وبعض الدول الإسكندنافية والي درجة ما بريطانيا ثم دخلنا الي الصيف فإذا بالولايات المتحدة التي كانت هناك فيها مبشرات عدة في بداية العام إذا بنا نجد أن هذه المبشرات ليست مبشرات وإنما هناك حديث قوي إنكماش ثاني في الإقتصاد الأمريكي وكان له نتائج سياسية متعلقة بإنتخابات التجديد النصفي للكونجرس الأمريكي هناك حديث الآن عن درجة من درجات الإنتعاش معني ذلك أننا عندما نتحدث عن إنتعاش أو إنكماش لا يوجد فيه شيئ خطي هناك عملية لولبية فيها صعود وهبوط لكن المسألة ليست فقط الأزمة الإقتصادية في دول بعينها هناك أيضا الإزدهار الإقتصادي في دول أخري كما يبدو الحال في دول آسيا كما يبدو في البرازيل كما يبدو في بعض الدول التي نجحت في إنها تتجاوز ليس فقط هذه الأزمة وإنما تبدأ دورة جديدة من النموالمرتفع كيف يكون التوازن علي المستوي الكلي في العالم لكن إذا ما إنتقلنا من المستوي الكلي للعالم الي المستوي الأقل كليةً أو الجزئي في منطقة الشرق الأوسط بنجد أيضا أموركثيرة تستحق الإنتباه تراكم هائل للثروة في منطقة الخليج حديث عن ما يقرب من تريليون ونصف تريليون دولارمن الفائض يجري الحديث عن كيفية إستخدامه بوسائل متعددة بنجد طبعا بلدان قاعدة علي شفا أزمات سياسية كبيرة وبالتالي الموضوع الإقتصادي فيها بلاد مثل السودان العراق لبنان وغيره تواجه مشاكل سياسية طاحنة تجعل فيها الحديث عن الإقتصاد يأخذ مكاناً ثانيا هناك حديث علي أن بعض الدول مثل مصرعلي وجه التحديد تنجح في مواجهة الأزمة وتنموا بمعدل معقول للنمو معني ذلك إنه لا يمكن الحديث عن شرق أوسط ينموا أوينخفض وإنما فيه من يراكم المال من ينفق المال من ينمو من لا ينموا علي الإطلاق ومن ينفجر داخليا لأسباب مختلفة الأمر بالنسبة لمصرأيضا كثير ما إختلط فيها الأمل في الخوف والتشاؤم الأمل جاء من معدلات النمو ولكن أيضا هذه المعدلات للنمو في العام الحالي هل هي معدلات مستمرة؟ هل هي يمكن أن تزيد هناك إتفاق؟ أنها ليست كافية علي ضوء الزيادة السكانية الموجودة في مصرعلي ضوء الإحتياجات اللي بتطلبها مصرلتحقيق مستوي مرتفع من المعيشة إيه الركائز لده كله؟ إيه الركائزاللي تخلي الإقتصاد العالمي ينمو بشدة ؟ إيه الركائز اللي تخلي إقليم الشرق الأوسط يبقي فيه نوع من التوازن ما بين الفلوس ومابين الإستثمار؟ إيه المعادلة والركائزاللي تخلي الإقتصاد المصري النمو فيه زي ما بيقولوا ساتينابول مستدام قابل للإرتفاع الي مستويات 7 و 8% حتي يمكن إستيعاب أجيال جديدة من الشاغلين والعاملين في مصر؟ كل دية اسئلة هامة للغاية وسوف نطرحها اليوم علي خبيرإقتصادي شرفنا به في حلقات سابقة وهو الأستاذ محمود عبد الله رئيس الشركة القابضة لمصرللتأمين لكن هو ليس فقط رئيس مجلس إدارة شركة مصرية هامة زي مصرللتأمين ولكن أيضا لإنه بالمعني الحرفي للكلمة هو خبيرإقتصادي عالمي نظرا لإنه رغم بدأ دراسته في القاهرة وعمله في مصر إلا إنه قضي وقت طويل في الولايات المتحدة في العديد من الشركات العالمية وكان جزء من عمله فيها إنه مسؤل عن العمليات الدولية لشركة أمريكاني هولدن كامبني هي شركة من أكبرإن لم تكن أكبر شركات التأمين في الولايات المتحدة هي مهتمة بالإستثمارات والخدمات المالية وإدارة الأخطارفي الإقتصاد ونظم المعلومات بالإضافة لذلك هوعضو مجلس العلاقات الخارجية بواشنطن ودا معهد زي ما بيقولوا بريستيجس ذو مكانة في دراسة وفهم السياسة الدولية بالإضافة الي إنه أصبح الآن بعد أن عمل مستشارا لوزير الإستثمار في عام 2005 أصبح رئيس لمجلس إدارة الشركة القابضة للتأمين لكن له جانب آخرربما لا نناقشه في هذه الحلقة وهوإنه عضو مجلس إدارة المتروبلتن أوبرا في نيويورك فله جانب موسيقي فني وهو أيضا عضو في مجلس إدارة اوبرا القاهره فملك الفن الأوبرالي من ناصيتيه بين الولايات المتحدة ومصرلكن ده ربما يكون موضوع حلقة أخري هو سوف يكون معنا هنا كخبير إقتصادي ولكن قبل أن نلتقي مع ضيفنا الأستاذ محمود عبد الله تعالوا نستمع الي هذا التقرير
فاصل " تقرير "
يقف العالم علي أعتاب عام 2011 والأوضاع الإقتصادية ليست في أحسن حالاتها فلم تصل الأزمة الإقتصادية الممتدة منذ عام 2008 الي قاعها علي نحو ما تنبأ صندوق النقد الدولي قبل عدة أشهر ولم يشهد تحقيق الكثير من الآمال التي عول الإقتصاديون عن عام 2010 لإؤنجازها بل إن بعض الخبراء يتخوفون من حدوث مزيد من التدهورالإقتصادي في حال إمتداد عمل موقع ويكيلكس الي تسريب بعض الوثائق والمعلومات الخاصة بأحد البنوك الأمريكية وكانت غالبية الدول قد أكدت في بداية العام الجاري أنها في طريقها للتعافي من آثارالأزمة الإقتصادية العالمية معتمدةً علي بعض المؤشرات التي تشيرالي بداية التحسن بالفعل حتي جاءت أزمة ديون اليونان في منتصف العام لتثيرالمخاوف مرةً أخري من عودة الأسوأ في الأزمة الإقتصادية إذ أصبح وضع الإتحاد الأوربي مهدداً خاصةً بعد تخفيض وكالات التصنيف الدولية لكل من الإقتصاد الإسباني والبرتغالي كما تزايدت المخاوف بشأن تعافي الإقتصاد الدولي بعد إرتفاع حجم الخسائرالتي تعرض لها نتيجة الكوارث الطبيعية في عام 2010 إذ تكلف الإقتصاد العالمي نتيجة لتلك الكوارث حوالي 222 مليار دولار في عام 2010 بزيادة ثلاثة أضعاف عما كانت عليه قبل عامٍ واحد بسبب زلزال هاييتي وفيضانات باكستان ورغم حالة الإقتصاد العالمي متأزمة في العام الجاري فقد إستطاعت بعض الدول الآسيوية مثل الصين والهند أن تحقق معدلات مرتفعة في النمو الأمر الذي يرشحها لقيادة النمو الإقتصادي العالمي في العام القادم خاصةً في حال نجاحها في تقليص الإعتماد المفرط علي الإستيراد دعم النمو الإقتصادي المرتكزعلي السوق المحليه لتفادي الصدمات الناجمة عن الأمات المالية الدولية كأزمة الديون الأوربية وتراجع معدلات الطرف في أسواق الولايات المتحدة ،ومن هنا جاء إعلان الصين إستعدادها لمساعدة دول منطقة اليوروعلي التعامل مع أزمة الديون التي تفجرت في منتصف العام الجاري وجاء تأكيد بعض المؤسسات الإقتصاديه الدوليه علي أن الإقتصاد العالمي لم يتمكن من القضاء نهائيا علي الأزمة المالية دون مساعدة الإقتصاديات الآسيوية فهل إنتهت الأزمة الإقتصادية العالمية أم أنها مازالت قائمة وما هي إحتمالات تخلص العالم منها في العام القادم ؟ وهل تستطيع الدول الآسيوية قيادة النظام الإقتصادي العالمي للخروج من الأزمة وتحقيق معدلات مرتفعة من النمو خلال العام القادم ؟ وما هي السياسات المثلي للتخلص من بقايا الأزمة الإقتصادية هذه هي أهم التساؤلات التي تناقشها تلك الحلقة من برنامح وراء الأحداث
فاصل
د/عبد المنعم سعيد: الحصاد الإقتصادي لعام 2010 وضيفنا الأستاذ محمود عبد الله رئيس مجلس إدارة الشركة القابضة لمصر للتأمين ، أستاذ محمود أهلا بك مرة ثانية أو ثالثة معانا في البرنامح
أ/ محمود عبد الله : أهلا بك يا فندم
د/عبد المنعم سعيد:أستاذ محمود أريد أن أبدأ بالسؤال الذي بدأته في المقدمة والذي يشغل بال العالم من وقتٍ لآخر هل إنتهت الأزمة العالمية هل هي علي وشك الإنتهاء أم أنها لا تزال موجودة معنا وسوف تستمرمعنا ؟
أ/ محمود عبد الله : أنا في البداية أحب أوضح لحضرتك إن أنا مجرد واحد بيدير شركات أو بيدير شركة وبالتالي أنا من منظومة معينة بأبص علي النواحي الإقتصادية فوجهة نظري في الإقتصاديات ليست من الناحية الأكاديمية وليست بصفتي خبير إقتصادي ولكن من الناحيه العملية
د/عبد المنعم سعيد: ولكن من الناحية العملية اللي إيده في النار .
أ/ محمود عبد الله : اللي إيده في النار فبالتالي لو إحنا شوفنا 2008 و2009 لاشك إن كل زملائي اللي حوالين العالم اللي بيديروا شركات زيِّ قالوا إنها كانت عوامل أزمات إنما لو شوفنا آخر حاجة في الربع اللي فات ده لإن بنشوف واحد زي "ويرن بافت" اللي هو بيمتلك أكبرمجموعة مالية في أمريكا وعنده درجة ثقة كبيرة جدا من المستهلكين ومن المستثمرين
د/عبد المنعم سعيد:اللي هو رئيس أومالك ورمبافث؟
أ/ محمود عبد الله : "دشر هاثا وي " ديه مجموعة بيبص علي كل الشركات وبيحاول إن هويستثمر أموال وأموال الغيرفي هذه الشركات من نواحي إقتصادية بحته ورمبافث بيقول إن إحنا عمرنا ما هناخد اللي هي بيسموها الأزمتين مع بعض وإن التضخم والكساد لن يحدث ولكنه بيقول إن النمو قادم ولكنه ببطئ وإنه بيعتقد إن 2011 هي عام الفرص دا آخر تقرير جه من ورمبافث
د/عبد المنعم سعيد: إيه معني عام الفرص بمعني إنه فيه أسواق جديدة بتفتح إنه فيه تكنولوجيا جديده داخله يعني كلمة الفرص هنا معناها إيه ؟
أ/ محمود عبد الله : معناها الإثنين إن إحنا لما بندير شركه أو بندير محفظة بنسعي للنمو والإرباحية وفي نفس الوقت الي العمالة الماهرة الجيدة إن إحنا نحتفظ بها لإن بغض النظرعن اللي بيحصل في وقت الأزمات العامل الماهربينتقل من مكان لمكان أسرع فبالتالي إذا ما إحتفظتش به هيحصل إنهيارات أكثر" ورمبافث وان أوف ذا بست بيبل"أحسن واحد بيحتفظ بهذه المنظومة بس الشخص الثاني اللي يجب إن إحنا نسمع عليه برضه واحد زي جيف إملت اللي هو رئيس جنرال إليكتريك – جنرال إليكتريك دية شركة في كل الصناعات من الماليات الي الصناعات الي الريتيل الي كل حاجة
د/عبد المنعم سعيد:إحنا فاهمين جنرال إليكتريك ديه بتاعة كهرباء بس بتاعة لمض يعني؟
أ/ محمود عبد الله : لا لأ هي إبتدت كده إنما أصبحت أكبرشركة متنوعة في العالم بيقول إيه – بنتابعه ليه – بنتابعه لإن هو بيستثمر في بلاد حوالين العالم بيدي المنتج بتاعه للعالم وبيأخذ من العالم الكمبونس أوالأجزاء بتاعته – هوبيقول إن الإعتماد علي الغضب لإن فيه غضب في الناس – الناس اللي إستثمرت وخسرت غضبانه – الناس اللي هي حصل لها نوع من البطالة غضبانه قال لك الإعتماد علي الغضب سوف يفقدنا القدرة علي وضع الإستيراتيجيات الناجحة إن إحنا نستفيد من الدروس المستفاده وقال في النهايه في آخرربع في التحليل إنت بتتابع الشركات دية فيه حاجة إسمها " أنالس كون فرانسكور" إحنا بنحب نسمعها عشان نعرف الكم الضخم دا بيمشي إزَّاي وقال إن هوبيعتقد إن النمو قادم يبقي إحنا بنتكلم علي حيانين كبار بيقولوا إن النمو قادم بس آخركيان وهوالمهم جدا وبرضه لازم إن إحنا نتبعه إن واحد زي " إستيفن بلامر" اللي هو الCOبتاع مايكروسوفت ليه بنسمعه لإن هو قال برضه من ثلاث أيام إن فيه بريك فرو أو التوصل الي إختراعات في التكنولوجي تم في السنة الماضية كان أكثرمن أي سنة من قبل ذلك وذكر الفيس بوك والأشياء اللي جاية الجديدة وهنا بيستند علي إن النمو قادم
د/عبد المنعم سعيد: فإنت عندك 3 كبار في مجالات مختلفة واحد في مجال الأبلاينسس خلينا نقول جنرال اليكتريك وواحد في تجارة التجزئة والجملة اللي هو أبافت وبعدين إنه حد في التكنولوجيا ال3 مجالات كله بيقول النمو قادم هل ممكن دا يبقي عامل زي حكاية إنتظار إن جودوا قادم لكن ما تعرفش هو جاي إمتى ولا نقدرنقول النمو قادم بمعني إنه الشهراللي جاي أو في الربع الأول من السنة اللي جاية أوإنه جيه في الربع الأخير ؟
أ/ محمود عبد الله :كلهم بيعتقدوا إن هو زي ما قلت في الأول النمو قادم ولكن ببطئ ولكن بيستند علي التنوع وعلي النطاق الجغرافي الكبير حتتين تانيين لازم نتابعها نمور سكيورتي في اليابان قالت إيه إن هم بيعتقدوا إن الريسيشن اللي حصلت في اليابان كانت أكبروأقوي ريسيشن حصلت أطول لكن بيعتقدوا برضه
د/عبد المنعم سعيد: أكبر إنكماش ؟
أ/ محمود عبد الله :بس بيعتقدوا برضه إن فيه نوع من الإيضاح دلوقت إن السياسات المالية في الجي تونتي والأشياء ديه كلها بتستند علي إن الشركات الناتجه سوف تطلع من هذا المنظومة فيه حتة ثانية بالنسبة للسن
د/عبد المنعم سعيد:من هذه المنظومة اللي هي كانت في حالة إنكماش؟
أ/ محمود عبد الله :بالظبط النقطة الثانية والمهمة الصين – لا شك إن الصين دلوقت عندها حجم العجز في الصادرات ظهرلكنهم بيعتمدوا علي النمو– في إن النموالسوق المحلي في الصين أصبح أولوية ولو شوفت التصريحات اللي قالت الجديدة للرئيس
د/عبد المنعم سعيد:الصين حصل فيها عجزفي الصادرات بمعني إنه عندها .......؟
أ/ محمود عبد الله : قلِّت طبعا
د/عبد المنعم سعيد: قلِّت إنما هل حصل عجز بمعني إنها أصبحت تستورد أكثر ما تصدر؟
أ/ محمود عبد الله :لأ بأقصد بكده وديه النواحي المهمة هناخد بقى دول زينا إزاي نتابعها زي مثلا إيه اللي قاله رئيس خزانة – رئيس خزانة ديه اللي هي بيديروا الأصول المملوكة للدولة في ماليسيا ده برضه مهم هقول لحضرتك ليه لإنه قال إن لابد إن إحنا نعتمد علي النموالمحلي أكثر من إعتمادنا علي التصديرالخارجي نتيجة لأشياء مختلفة مش عايزأخش فيها فإحنا بنتكلم دلوقت في إن الخروج من عام 2008 – 2009 كان غيرواضح فيما يتعلق بالمؤسسات الإستثمارية في بلاد حوالين العالم كلها فين أحط فلوسي وفين أركزعلي التمويل وفين اركزعلي النمو فبالتالي إن التحديات اللي جاية في 2011
د/عبد المنعم سعيد:التركيز إنه هيكون في السوق المحلي ؟
أ/ محمود عبد الله : إنه ما بين السوق المحلي وما بين الأسواق الخارجية ولكن بكثرة في البلاد اللي هي بتعتمد علي الإستيراد أكثرإن التركيزهيبقي علي السوق المحلي
د/عبد المنعم سعيد:هل ده ممكن يرجعنا كده للفكر بتاع إحلال محل الواردات اللي كان موجود قبل كده ولا إنها محاولة إدخال مستهلكين جدد لسوء الإستهلاك ؟
أ/ محمود عبد الله :هيمشي مع اللي بيتقال – هيمشي مع النمو السكاني فيه حاجتين حضرتك ذكرتهم في الشرق الأوسط كل المحللين بيقولوا إن النمو السكاني في الشرق الأوسط سوف يستمرويستمر ويستمروبرضه قالوا إن الإعتماد علي البترول سوف يستمرلفترة علي الأقل 50 سنة وإن ده هيسبب ضخ أموال في المنطقة وبالتالي ده بيدي إنطباع إن النمو في منطقة الشرق الأوسط هتبقي من المناطق الواعدة لصناعات ما حدش عارف هي بتيجي منين لإن حضرتك عارف دلوقت الإفيشنز بتاع الصناعة
د/عبد المنعم سعيد: هنيجي للشرق الأوسط بس خلينا نكمل المسح بتاع العالم كان في وقت من الأوقات الإقتصاد العالمي بيقوم علي صناعة الصلب وكان يعتبر الصلب والفحم هو العماد وبعدين بقي عندنا صناعة السيارات وبعدين الصناعات الكيماوية في العموم الأدويه وغيره وبعدين دخلنا في موضوع الإنفورميشن والإنفورماتيكس هل فيه حاجة جديدة والا إحنا ماشيين برضه علي نفس التركيبة من الصناعات المختلفة أوأي صناعة فيها هتكون بارزه ؟
أ/ محمود عبد الله :لأ هوطبعا بالنسبة للإستثمارات مثلا إن كل واحد هيحتاج ثلاجة وغسالة وبتوجازالأشياء النيزي ودية بتتوقف في البروت بتاعها أوفي النمو بتاعها علي لا شك اللي هوالنمو السكاني وإرتفاعات مستويات المعيشة فيه بقى تاني اللي هوالإفيشنز أوالنوع اللي جاي – الصناعات اللي هي بتعتمد كليةً علي النمو ده كأمريكا مثلا اللي هو" الهيلت كير" النهارده بالبيوجك اللي حطه أوباما إن تكلفة التأمين الصحي والتغطيات الصحية والحاجات ديه هتبقي 17% من حجم الدخل القومي يعني دية كمية كبيرة جدا في السنة وبالتالي مين الصناعات اللي هتقدرتستفيد منها ومين الصناعات اللي ممكن مش هتقدر تستفيد منها فبشكل إن النهارده
د/عبد المنعم سعيد:يعني صناعة زي الصحة زي التعليم والكلام ده تبقي هتأخذ ..؟
أ/ محمود عبد الله :بالظبط هتاخذ وقتها – هتاخد فرصتها أكثرلا شك أن " الكومينيكيشن " أو وسائل الإتصال فيما كل هذه الأشياء سوف تستمر لأجيال يعني إحنا بتشوف في كل حاجة لما حضرتك مثلا بتبص علي البروتوكول أو مجموعة الإستثمارات اللي إنت عايزها بتبص إن إنت فيه صناعات نمو فبتستثمر فيها فيه صناعات بيسموها اللي هي الصناعات الركيزة اللي هي بتستثمر فيها لإن الشركة طول عمرها هتعمل أرباح ولكنها هتعمل أرباح في حدود معينه ولكن في النمو بتتخلق شركات ولكن مش كل هذه الشركات ممكن أن تنجح فبالتالي بيبقي فيه نسبة من الإخفاق يجب إن إنت تحطها في إعتبارك فبالتالي بالنسبة لواحد زي – إحنا مثلا في قطاعنا بنبص في إستثماراتنا هو التنويه إنه يجب إن يكون عندنا محفظة للأموال الثابتة يجب أن يكون عندنا محفظة لصناعات البروز
د/عبد المنعم سعيد: هنيجي لصناعاتك في مصرتاني بس لغاية ما نخلص نقطة فهم العالم شوية لإن في وسط حالة الأمل اللي عندنا ولكن إحنا عندنا مخترعات في عام واحد اكثرمن أي أعوام سابقة شركات رئيسية بتقول إن النمو قادم وإنه هيكون بطئ شوية لكن بعد كده يندفع لكن حصل لنا حالات إنهيارات مفاجئة في أوربا الذات في اليونان أسبانيا أيرلندا الي آخره البيل أوت أو الإنقاذ بتاع الدول ديه أولا هل دا هيبقي أحد الكوابح ببنمو لإن البلاد ديه بعضها علي حافة الإفلاس أوإنك إنت هيضاف ليها دول جديدة وهنعرفها دلوقت هل نعرفها دلوقت إن فيه دول داخلة علي طريق العجزالشديد ؟
أ/ محمود عبد الله :لأ هوفي أوربا زي ما حضرتك عارف في عدد معين من الدول
د/عبد المنعم سعيد: بس دول كانوا مفاجئة يعني اليونان طلعت فجأه؟
أ/ محمود عبد الله : أسبانيا واليونان وايرلندا أكثر من دلوقت 12 – 18 شهر الناس بيتكلموا علي السياسات المالية بتاعتهم وبعض الإرتباطات والعجز في بعض الأشياء ولكن الشيخ المهم في أوربا بالنسبة للشركات اللي بتتعامل في أمريكا أوفي اليابان أوفي الحتت ديه بتتعامل مع الإقتصاديات إن ألمانيا لازالت هي المحورالرئيسي وإن لو شوفنا إن الشركات الألمانية من مرسيدس بن الي غيرهم إن البروس إتحقق فعلا وهأرجع بك لشركتين إحنا إتكلمنا مع بعض في الحلقة اللي فاتت وهو تدخل الدولة في جنرال موتورز وتدخل الدولة في الأيه أرجي بأمريكا النهارده ايه اللي تم هأقول لك أكبر تدخل وأسرع تخارج للإصلاح جنرال موتورز دخلت أمريكا ودخلت الحكومة – حنرال موتورز عملت اللأي بي أوه بتاعها
د/عبد المنعم سعيد: يعني إيه أي بي أوه ؟
أ/ محمود عبد الله :اللي هو الطرح – اللي هي الحكومة إشترتها بعد ما الحكومة اشترتها وأخذت ده التفصيل قالت أوكيه وضبوا نفسكم يا إداره وإلا هأتدخل أكثر فالحكومة دخلت كحكم شالت البور وحطت الإدارة وقالت وضبوا نفسكوا لوإنت
د/عبد المنعم سعيد: شالت مجلس الإدارة وحطت مجلس إداره جديد ؟
أ/ محمود عبد الله :وسابت الناس اللي بيديروا فعلا اللي هم مديرالعمليات والأشياء ديه كلها في خلال سنة ونصف ما كنش عند الإدارة إلا حاجة
د/عبد المنعم سعيد: يعني ما حصلش إداره من قطاع الأعمال العام ولا الشركة القابضة؟
أ/ محمود عبد الله :الإدارة غيرت نفسها وراحت بعد كده وعملت منتج جديد في وقت خيالي وطرحت أسهمها في البورصة وكانت من أكبرالأسهم اللي أخذوها الشعب من الحكومة مرة أخري وراحت مسدداها للحكومة ما بنقولش جنرال موتورز خرجت بس ديه قصة نجاح لدور الدولة وده يجب إن إحنا نتعلمه إن الدولة بتخش ليس لإنها تديرولكن للإصلاح والخروج – في الأي أي جي الدولة دخلت حطت مجلس إدارة جديد أخذت الأصول ذات القيمة وقالت نحط لها إدارة كويسة وطرحت اللي هي أكبرشركة تأمين للحياه في آسيا اللي هي أمريكان ليف إن شوانزاللي هي دية أتطرحت 17 مرة وتخرجت الدولة فيما يتعلق بذلك بأكثر من 55 مليار
د/عبد المنعم سعيد: كربح؟
أ/ محمود عبد الله :لأ ده مش الربح أنا اشتريت حاجة ورحت خارجها تاني المارج ما بين الربح والخسارة كان في حدود 15 الي 20% لصالح الدولة يعني الدولة حطت فلوسها وأخذت فوق الكوست مني أو زي ما بيسموه ثمن الفلوس اللي هي الديرشن أخذت من 15 الي 20%
د/عبد المنعم سعيد: دا أعلي من أي سعر فائدة؟
أ/ محمود عبد الله :ما كنش ده يحصل إذا ما كنش النمو طيب مين اللي دخل وأخذ الشركات ديه إما البابليك ياإما البنشنن
د/عبد المنعم سعيد:أستاذ محمود مضطرين نتوقف بس فاصل قصير ثم نعود لهذه النقطة مرة أخري لإنها مثيره للإهتمام – نلتقي بعد فاصل قصير
فاصل " تقرير "
تصاعد الحديث عن الدورالذي يمكن أن تلعبه الصناديق السيادية بما تمتلكه من أموال في ظل إمتداد الأزمة الإقتصادية العالمية وحاجة جميع الإقتصاديات الي المزيد من الإستثمارات فالصناديق السيادية تمتلك حوالي 4 ترليون دولار ومن المتوقع أن تصل الي 20 ترليون دولار في عام 2020 ، وتحتل الصناديق السيادية العربية مكانة متقدمة بين اكبر 20 صندوق سيادي علي مستوي العالم حيث يصل حجم الأصول التي تحتوي عليها الي 627 مليار دولاربينما يأتي صندوق سما السعودي في المركز الثالث ويحتوي علي حجم أصول يبلغ 415 مليار دولار،وجاءت الهيئة العامة للإستثمار الكويتي في المركز الثامن بحجم أصول يصل الي 202,8 مليار دولار وإحتلت هيئة الإستثمار الليبي علي المركز الثاني عشر بحجم اصول وصل الي 70 مليار دولار بينما حصلت هيئة الإستثمار القطري علي المركز الثالث عشر بإجمالي أصول بلغ 65 مليار دولار وإحتل الصندوق تنظيم الإيرادات الجزائري علي المركز ال15 حيث وصلت أصوله الي 54،8 مليار دولار
فاصل
د/عبد المنعم سعيد:الحصاد الإقتصادي لعام 2010 وإستطلاعات عام 2011 وضيفنا الأستاذ محمود عبد الله رئيس الشركه القابضة للتأمين أستاذ محمود كنت إنت بتتكلم عن تجربة الإيه آي جي اللي هي شركة تأمين أمريكية عالمية وكيف أدارتها الدولة الأمريكية للتعامل مع الأزمة الإقتصادية إتفضل
أ/ محمود عبد الله :هو طبعا كلنا عارفين المشاكل بتاعة ال أيه أي جي – الأيه آي جي ما كنتش بس إنشونس كامني دي كانت شركة ذي محورأساسي في إقتصاديات كثيرمن المؤسسات أهمها مؤسسات المعاشات صناديق المعاشات في أمريكا البنوك كل ده بيستثمر في أسهم الأيه آي جي
د/عبد المنعم سعيد: حتي الأيه آي جي بتؤيد مانشيستر يونايتد عليها إعلانات
أ/ محمود عبد الله :بالظبط وكان البريندنج بتاع الأيه آي جي كويس طبعا إحنا بنقول فيه أزمات وفيه تحديات لما جه 2008 حصل وشرحنا إيه اللي حصل إن قطاع واحد في أيه آي جي هو السبب في كل المشاكل اللي تقدمت لها الإيه آي جي القطاع ده كان بيأخذ أخطار ويحتفظ بها أكثر مما يجب أن يكون ولكن دا بيعلم درس كبير جدا إن كان – إحنا في التأمين وفي المال لازم نعرفه إن واحد يقول إحتمالات شيئ يحصل قد إيه فبالتالي بيبقي علي أساس هذه الإحتمالات بتقول ده بيحصل مره كل 300 سنة
د/عبد المنعم سعيد: أستاذ محمود أنا بس خايف – يعني هي قصة مثيرة التأمين ازَّاي إنما الإيه آي جي خرجت الآن يعني أصبح بره الأزمة ؟
أ/ محمود عبد الله :لأ جزء منها فهي الإيه آي جي دخلت بأزمة الحكومة الأمريكية لما لقت إن المستثمرين في في الإيه آي جي ذو حساسية إقتصادية في الدولة تدخلت ونفترض إنها إشترت الإيه آي جي أو أخذت كنترول للإيه آي جي ولكن بعد ما تدخلت قامت بالدورالمنوه لها في تعديل التشريعات من الناحية الأخري في إعادة هيكلة الإيه آي جي وبعد كده لما أعادة هيكلتها عرفت الأسد أوالأصول ذات القيمة والأصول التي ليس لها قيمة وإبتدت في الإصول ذات القيمة راحت مرجعاها ثاني للبريدت سيكتوروأخذت المبالغ ديه عشان تدفع فيها
د/عبد المنعم سعيد: وديتها للقطاع الخاص مرة أخري ؟
أ/ محمود عبد الله :في النهاية التاكس بير أو دفع الضريبة إنتهي إن هو ما خسرش من تدخل الدولة في الإيه آي جي
د/عبد المنعم سعيد:أستاذ محمود هل كده قبل ما أنقل للإطارالإقليمي بالذات في منطقة الشرق الأوسط تلخيصك إيه لحالة الإقتصاد الأمريكي يعني نعرف أن هناك إقتصاديات الآن صاعدة وبتحقق معدلات نمو معقولة إقتصاديات زي ألمانيا أو غيره وفيه دول بتعاني الإقتصاد الأمريكي في أنهي حاله دلوقت ؟
أ/ محمود عبد الله :أنا بأعتقد إن الإقتصاد الأمريكي قدامه التحدي الأساسي بالنسبة لنا كبركتشنر بنشتغل في الشغله ديه إن أللي بيقولوا وان أند بافت اللي بيقولوا المؤسسين للشركات صح النمو قادم ولكن قادم بمعدلات أبطأ ويجب إن الشركات تعمل الشيئ الصعب لإن الشيئ الصعب كيف تكون هذه الشركات أكثر كفاءة
د/عبد المنعم سعيد: المرحلة الصعبة عدت وإنه أوباما أنا يهمني شوية الجانب السياسي سوف يواجه بعام 2011 والإقتصاد الأمريكي ينمو مثلا ب 2 – 3 %
أ/ محمود عبد الله :أعتقد ده ممكن بدليل برضه خد بال حضرتك إن الإقتصاديات بتقوم علي الإنطباعات وإنطباع الشعب الأمريكي في آخرإحصائية إتعملت من إسبوع إن 66% من الشعب الأمريكي بيقول إن الرئيس أوباما هيعمل أشياء جيدة للإقتصاد وإن هو إستفاد من الدرس إن هو ما كنش بيتعامل مع هذه الأشياء بالقوة اللي هوكان يجب أن يتعامل فبالتالي فيه إنطباع معين إن 66 % من الناس بتقول كده الدلائل علي كده إن لا شك إن فيه أزمة في قطاعات مختلفة في الولايات المتحدة ولكن هناك تشريعات قادمه هناك تشريعات إتعملت وهناك تداخلات أعتقد إنها كانت أسرع من أوربا في أشياء كثيرة وإن لازال البنك المركزي هناك يحتفظ بإحترام المؤسسات المالية فيما يتعلق بالسياسات النقدية والسياسات المالية
د/عبد المنعم سعيد:أستاذ محمود ننقل لمنطقتنا منطقة الشرق الأوسط وهي منطقة شوية فيها تشوهات كتيرة جزء من هذه التشوهات إنه الثروة النقدية موجودة في منطقة معينة اللي هي منطقة الخليج الي حدٍ ما ليبيا والدول العربية المنتجة للنفط بينما يوجد دول تحاول أن تجاهد في عملية تنمية صناعية زراعية تجارية زي مصرزي الأردن زي المغرب زي تونس وفيه دول تعاني معاناة سياسية منهارة بأشكال مختلفة – الجزء اللي هو خاص بالفلوس فيه أحاديث كثيرجدا عن الصناديق السيادية ترليون ونصف دولار إيه قصة ديه والي أي حد هذه الصناديق سوف تستخدم وإلا تبقي أموال معرضة لإرتفاع وإنخفاض أسعار الدولار في الأساس ؟
أ/ محمود عبد الله :أنا متفق معاك هو فيه يعني مثلا لو أخذنا مثالين لو أخذنا منطقة الشرق الأوسط لو أخذنا الصين وبعدين ناخد أمريكا مثلا لا شك إن في كل بلد بيبقي فيه موارد وفيه مستهلكين فين الكونسيومر أوفين الناس اللي هيستخدموا المنتج هنجد في الوطن العربي اللي هي البوبيليشن أوالحته اللي فيها المستهلك اللي هي مصرأوالبلاد اللي فيها أكثرإستهلاكا وفيه الحتة اللي فيها الموارد يعني لما بناخد مثلا الكي آي أوه أو اللي هوالكويت بيسمنت فورتي اللي هي أكبركيان في الحكومة الكويتية عملاه للإستثمارات
د/عبد المنعم سعيد:اكبرإستثمارات جوه في الإمارات تلاث تربع ترليون دولاربأبو ظبي
أ/ محمود عبد الله :فيه صندوق أبو ظبي وصندوق الكويت وفيه صندوق معين في دبي وفيه برضه سيميلار للبلاد الأخري وبالتالي الأموال الموارد أكثر من إنها تعمل صناعات والصناعات ديه في البلد ده المعين تقدر تطلع منتج والمنتج ده يتوزع ويربح فهل الأسهل لك إن هو يستثمر لإنشاء شركة سيارات في الكويت ولا الأسهل له إن هو يستثمر في جنرال موتورز ويأخذ السيارات فديه من المعدلات اللي كانت من ساعة ما إتعمل الصناديق ديه إن هي أموال البترول بتخش فديه صناديق إستثماريه الغرض منها الأساسي والواضح هو تحقيق أكبر عائد يعود علي الدولة ويوزع هذا العائد علي المواطنين ده منظومة مختلفة عن منظومة حاجة زي خزانة اللي هي في ماليزيا أو حاجة زي " سندبور إن بسمر سور" أو الرؤية إن إنت بتستثمر في إنفراستركش أو في تداخل بيؤكد لك أن هناك نمو في المستهلك بتاع المنتج اللي إنت هتيجيبه داخلي وخارجي وخد بال حضرتك فبالتالي بيبقي فيه هذا النوع من التوازن – لا شك إن أسعار البترول سوف تستمر في معاييرعقوله وبالتالي سوف تستمرهذه الميلات
د/عبد المنعم سعيد: معقولة يعني إيه 80 دولارالبرميل ؟
أ/ محمود عبد الله :لأ من 75 الي 95 ل 100
د/عبد المنعم سعيد:لكن ما فيش 140 والكلام اللي حصل
أ/ محمود عبد الله :طبعا دا الإفتراضات طبعا ممكن أي حاجة تحصل بس طالما هذا الكم من الدخل يأتي لهذه الدول في شكل موارد وبالتالي هيبقي دائما نوع من التحديات إن كيف تستثمرهذه الموارد فبالتالي هيبقي دائما نوع من التحديات إن كيف تستثمرهذه الأموال بمعدلات اكبر مما إنك تدي منظومة بتقول لك لأ سيب البترول تحت لإنه هيكبر بدل ما تطلعه وتأخذه كاش وبعدين تستثمره وتجيب عائد
د/عبد المنعم سعيد:طيب أستاذ محمود إيه الوضع الحالي يعني هذه الدول عندها الفلوس الفائده بتاعته في البنك صفرولا نصف والا 1% أياً كان البونس أو الحاجة الزيادة اللي بيأخذوها ويوجد فرص إستثمارية عديدة في العالم سواء في شركات غربية أو صينية أوشرق أوسطية الدول ديه بتعمل إيه دلوقت ؟
أ/ محمود عبد الله :لأ لحد علمي إن هم ماشيين علي الدولارأفيرتج سيستم اللي هو بيجيب مبالغ معينه بيحطها في شركات جيدة حوالين العالم مع الطالع والنازل وبالتالي علي مدارالسنوات بيقدر إن هو يستقطب ريتيرن أوعائد جيد لإن مش معقول يتقارب لإن إنت النهارده مثلا الصناديق دية كلها وأي صندوق بتعمله لو إنت أخذت سعر سهم معين ب 100 جنيه والنهارده سعره 30 جنيه وشايف إن الأساسيات بتاعة هذه الشركه مستمرة فإنت بتشتري السهل وهو بسعر قليل وبالتالي لوإستمرهذا الصندوق إشتري 100 مليون سهم والسنة اللي بعدها اشتري 100 مليون سهم بيستمر في هذا فعندهم هم طبعا أنا ما أعرفش سياستهم بالظبط بس أعتقد إن أي إداره لصندوق زي ده بتعتمد علي الدولار أفرج إن هو بيطلع الدخل اللي بيجيله بيحطه في شركات جيدة هذا المبلغ مهما كانت هذه الشركات في السيكل لإن حضرتك مش ممكن تأخذ سنتين أو ثلاثه من عمر شركات بقالها 50 الي 100 سنة ومش ممكن تفقد الثقة في شركات مرتبطة بمستهلكين وعندهم يعني مهما حصل في صناعة مثلا التكنولوجي مايكروسوف عندها النهارده مليارعميل ده في حد ذاته المنتج هيتغير بس السوق كبير فبالتالي كل الصناديق الناجحة بتعتمد علي هذا بس التنويع بيتم حسب إحتياجاته من الخارج
د/عبد المنعم سعيد:أستاذ محمود أنا هأسألك إزَّاي ناخد قدر معقول من هذه الصناديق الي مصرإنت إشتغلت كمستشار للإستثمار ونجاوب علي هذا السؤال بعد فاصل قصير – نلتقي بعد الفاصل
فاصل
علي الرغم من أن تباطؤ معدل النمو في الإقتصاد العالمي في ظل الأزمة العالمية قد إنعكس سلباً علي الإقتصاد المصري وبصفةٍ خاصة في بعض القطاعات إلا أن الإقتصاد المصري قد إستطاع بصفةٍ عامة أن يحافظ علي مستوي جيد من الآداء خلال مدة الأزمة التي إمتدت لأكثرمن عامين وهو الأمر الذي أكد عليه البنك الدولي قبل شهرين بقوله إن مصر تعد أحد أفضل الدول في منطقة الشرق الأوسط وشمال إفريقيا التي نجت من آثار الأزمة الماليه العالمية كما أكد الدكتوريوسف بطرس غالي وزير الماليه أن مصر نجح في إجتيازالأزمة المالية العالمية بعد ثلاث سنوات فقط من وقوعها في حين تحتاج الدول الأوربيه من 7 الي 10 سنوات لإجتياز تداعياتها متوقعاً أن يرتفع معدل النمو تدريجيا كل عام ليصل في العام المقبل الي 7 % ثم الي ما بين 8 و8,5 % عام 2012
فاصل
د/عبد المنعم سعيد:الحصاد الإقتصادي لعام 2010 وإستطلاعات عام 2011 وضيفنا الأستاذ محمود عبد الله رئيس مجلس إدارة ؤالشركه القابضة للتأمين وكنا نسأله عن الصناديق السيادية بالذات الصناديق السيادية العربية وكيف تستفيد مصرمن وجودها طالما أنها يوجد فيها هذا الكم الهائل أستاذ محمود كنت بتقول – كنا دخلنا في هذا السؤال قبل الفاصل وقلنا نفكر فيه أثناء الفاصل
أ/ محمود عبد الله :الحقيقة طبعا لو إنت شوفت النهارده في ال 5 – 6 سنين اللي فاتوا هل مصردولة أكثرإستقطابا للمستثمر بعض النظرهوإيه عربي مصري أو كذا أم هي أقل ولا شك إن الإجابة إن مصر اصبحت اكثر قدرة علي إستقطاب المستثمر ويجب أن لا نفرق بين عربي وبين غير عربي وبين مصري وأجنبي فيه مشاريع أنا في نظري
د/عبد المنعم سعيد:يعني إنت بتقول إنت بتعمل مناخ إستثمار ما لوش جنسية ؟
أ/ محمود عبد الله : ما لوش جنسية ولا له هوية
د/عبد المنعم سعيد:طيب إذا إفترضنا إن بنتكلم علي إنه إنت عارف فيه جزء سياسي مرتبط بالوطنية يعني حد معاه فلوس كتير وجه راح شاري كل أصولك الأساسية
أ/ محمود عبد الله :لأ الإقتصاديات العالمية قائمه علي حماية الوطن يعني إحنا في أمريكا في ألمانيا في أي بلد فيه حماية للسيادة بتاعة الدولة
د/عبد المنعم سعيد:فيه كلام يقول لك ما حدش هياخد قريه أو هياخد مدينه .
أ/ محمود عبد الله :بالظبط اللي بيحمي أنا بأخش مثلا بآجي بقول أنا هأستثمر فين واخد بالك فيه كان – أنا متذكر ده كويس أنا كنت بأروح الصين من أوائل الثمانينات كنت بأمن الي الأسطول الصيني وكان عملنا شركات هناك
د/عبد المنعم سعيد: اسطول تجاري مش حربي آه.
أ/ محمود عبد الله :تجاري آه طبعا فإتعلمنا حاجات كتيرجدا وإستثمرنا في شركة إسمها شركة شايناليف للحياة وكنت جزء من الناس اللي اتعملت بس كان اللي إنت تيجي تتكلم تقول لأ دا إنت لو حطيت 50 مليون دولار دا كتير جدا علي هذا في شركه بتعمل 300 مليون دولار أو حاجة في حجم رأسمالها ليه لإن إبتدت النمو يبقي نوع جاذب لك بس لازم بتقول بقى هل القوانين تحميك قوانين الإفلاس حأخرج إزاي التخارج بتاعي إزاي العملة بتاعتي مع العملة الوطنية إزَّاي فبأرجع لمصر نسأل نفسنا 3 أسئله هل اللي حصل في تكنولوجيا المعلومات مثلا يضيف الي مصرأم يأخذ من مصر لا شك إن إحنا عندنا النهارده إسأل أي حد شبكة معلومات أحسن من الشبكات اللي المنافسه لنا القدرة علي إجتذاب طاقات معينة للعمل في هذا المجال والقرية الذكية مثال جيد لده فلا شك إن ده بنعتبره جزء متمم وجيد – التشريعات أنا بأعتقد إن التشريعات اللي تمت جيدة ولكن يجب أن تكون أحسن لإن يجب إن إحنا نعرف إن كل مرحلة لها تشريعاتها وإن إحنا إذا إنتقلنا من مرحلة الي مرحلة فإحنا نحسن في التشريعات ولكننا لا يجب تحت أي منظومة أن نعطي الشك في إننا عملنا تشريعات معينة ونرجع فيها بعد كده فإذاً التقدم التشريعي يجب أن يتم بمنظومة تقدمية وبيتم بمنظومة جيدة في هذا الشأن كل ده بيتم في إطارالمحافظة علي الوطن – كل ده بيتم في إطارمحافظة علي المواطن والمستهلك،الحاجة الثانية لازم نعترف إن إحنا في وقت من الأوقات كنا بنعتمد علي العمالة وأن العمالة كانت منافسة في أجورها يجب أن ننتقل من هذا الفكرالي الفكرالعصري اللي هو العمالة منافسة في مهارتها وإن درجة المهارة لها سعر مهما كانت فبالتالي يجب أن نستقطب أحسن العقول لأن أحسن العقول هتوصلنا لأحسن المنتجات وأحسن المنتجات هتدي لنا القدرة علي ذلك النهارده لا يمكن أن ننتظرإن إحنا نقول والله الصندوق الكويتي أو الصندوق السعودي
د/عبد المنعم سعيد:هييجي يستثمرعندي بدون إن أنا بأقول له آدي العماله آدي الأرض آدي المواصلات آدي الإنفرستراكشن ؟
أ/ محمود عبد الله :يبقي إذاً بصراحة النواحي التشريعية يجب أن تكون لها سرعة أكثرويجب أن تحافظ علي الوطن والمواطن ولكن تحافظ بيهم بمنظومة إقتصادية أنا عايز أقول لحضرتك حاجة أنا كإداره والعاملين معايا في الشركة كإدارة أكبر ضمان لهم ليس قانون العمل اكبرضمان لهم هو قدرتي علي النمو معهم وبهم والإرباحيه والمنافسة وأقصي أرباح جيدة أقدر أعطيها
د/عبد المنعم سعيد: طالما بتكسب هتمشيهم ليه ؟
أ/ محمود عبد الله : فبالتالي إزَّاي هتدي شيئ أنت لا تملكه
د/عبد المنعم سعيد:طيب أنا عايز بس آخذك خطوه للوراء بالنسبة لمصر يعني أصبح الآن من معظم الشهادات الدولية والمحلية إنه مصر تعاملت مع الأمة الإقتصادية بشكل معقول وإنه من العام المالي 2008 – 2009 نمونا بنسبة أظن 4،7- أو 4،8 في العام المالي 2009 – 2010 (5،1 )الرئيس مبارك إتكلم مؤخرا إنه بيتحدث عن إنه في عام 2010 – 2011 نعمل 6 % وبعد كده ممكن نتكلم بقى عن 7 – 8 وحاجات زي كده إيه اللي حصل إيه اللي إحنا عملناه صح زي ما بنتكلم عن إيه اللي عملنا غلط – إيه اللي عملناه صح ما بين 2008 – 2009 وبعدين من 9 الي 10 اللي خلانا نرتفع حتي بالنسبة اللي هي بونت فور برسانت ديه ما خلناش ندفع ثمن غالي للأزمة العالمية
أ/ محمود عبد الله :بأعتقد حاجتين مهمين حصلت في مصربأعتقد كأنا برضه عايزه وأنا في البزنز– الحاجة الأولانية إنه هوالبنك المركزي عمل سياسات متوازنة وعمل زي ما بيقولوا إستقرار للعملة دية في حد ذاتها كانت شيئ جيد جدا بغض النظرعن كده ثاني حاجة إن السياسات المالية في الموازنة عندنا آه الدين إبتدي يزداد وبيزداد ولكن كان فيه توازن أكثرمما كنا نتصورفي هذا الشيئ – الشيئ الثاني إحنا فعلا شجعنا الإستثمار بإن إحنا إبتدينا نحسن الخدمات للمستثمرين لكنها لم تصل للدرجة اللي أنا كرجل يجب أن تصل له – طبعا اللي إحنا بنقوله إن إحنا ننمو ب 6% أنا شايف إن ده عقول جدا وممكن إن هو يتحقق ولكن يجب أن نحط في إعتباراتنا إن أمامنا أشياء يجب أن نعملها ، النهارده القرارات الصعبة يجب أن نفكر فيها
د/عبد المنعم سعيد:إيه هي القرارات الصعبة ؟ إنت يمكن سمعت خطاب الرئيس مبارك قدام مجلس الشعب والشوري وقال فيها إن الدولة هيكون لها دورجديد من الآن فصاعداً ودا بدأ من شوية إيه اللي شايف إنت إنه قرارات صعبة لازم نأخذها في عام 2011 ؟
أ/ محمود عبد الله :أول القرارات إن إحنا بالنسبة للطاقة يجب إن إحنا نفكرفي الطاقة كصناعة وكصناعة رابحة إحنا مثلا بنبص
د/عبد المنعم سعيد:أنا وإنت وناس كتيربنقول الكلام ده بنعمل دعم للطاقة 60 مليارجنيه بينما التعليم 40 ملياروإن إحنا لازم ننقل بس إحنا عارفين لو زودنا سعرالطاقة 50 قرش بيعمل إنفليشن أو تضخم فظيع في المجتمع بيضر بناس كتيركل اللي بيركب الميكروباص اللي عنده عربيه صغيرة فعارفين إن اللعب مع الطاقة برضه له نتائج
أ/ محمود عبد الله :لأ هو طبعا فيه نوع من التوازنات يعني أنا كمواطن مصري أتمني أن لا أملك عربية لكن أتمني إن لو جرالي حاجة أروح مستشفي حد يأخذ باله منِّي أتمني أن لا أملك عربية وإن يحصل هذا الكم التلوث فبالتالي لازم ننقل الأولويات لنا
د/عبد المنعم سعيد: أن لا يحدث هذا الكم من التلوث .
أ/ محمود عبد الله :إحنا بنتكلم دلوقت علي أشياء مهمة جدا يعني إنت عندك موارد وعندك إلتزامات بس العجز في الموازنة بيحط ضغوط علي الإقتصاديات فبالتالي إن إحنا يجب إن إحنا نستعمل الموارد بتاعتنا
د/عبد المنعم سعيد:طيب أستاذ محمود عشان عمالين يقولوا لي إنت فاضلك دقيقتين إنت نمره واحد الطاقة معلهش محتاجين يمكن حلقة ثانية – قلت الطاقة علينا – فيها وضع غلط ما لازم يتصحح إيه ثاني ؟
أ/ محمود عبد الله :ثاني حاجة التأمين الصحي يجب أن نقررما أهمية صحة المواطن بالنسبة لنا وثالث حاجة المعاش إن كل واحد عايزيعيش آخرأيامه بإحترام وتوفيق وإزاي ده يتم ويجب أن نعتمد في التفكيرإن الدولة مش هتعمل الثلاث حاجات ديه الدولة لها دور لحماية " آت سفتنت" أوالشبكه ولكن الباقي كله يجب أن ينتظم بمنظومة شخصية وبمنظومة إن الفرد نفسه
د/عبد المنعم سعيد:أستاذ محمود كده قطاع التأمين يعني يزيد مع التأمين الصحي ومع المعاشات إنما الطاقة إنت ما لكش فيها هههه
أ/ محمود عبد الله :أنا ماليش فيها هههههه بس كل الأمور
د/عبد المنعم سعيد: التعليم إنت ما قلتوش.
أ/ محمود عبد الله :لأ أنا قلته التعليم في صورة المهارات أنا هأقول لحضرتك إن لا يمكن أن نعتمد علي كم من العمالة ولكن يجب أن نعتمد علي مهارة العمالة وده علي فكرة شيئ مهم جدا والمهاره بتأتي من التعليم والتعليم يجب أن يكون مركز علي هذا الشيئ
د/عبد المنعم سعيد:أستاذ محمود عبد الله نشكرك شكرا جزيلا لوجودك معانا في البرنامج النهارده أنا عارف إنه فيه نقاط كثيرة لا تزال موجودة أمامنا لكن هكذا وقت البرنامج شكرا جزيلا لوجودك معانا
أ/ محمود عبد الله : شكرا لك
د/عبد المنعم سعيد:شكرا والي هنا تنتهي هذه الحلقة من برنامج وراء الأحداث ونلتقي في حلقة قادمة بإذن الله