صرخ إبراهيم يا أهل أمي الطيبين يامخلصين وموحدين يامؤمنين ولعهد أبويا حافظين ليه تكسروا فيكوا الصليب ليه تصلبوا تاني المسيح قلبي جريح يا أهل مصر الطيبين عيني بكت لما التقيت سيدنا المسيح باكية عينيه لما التقيت والدي النبي حزنان عليه يا أهل مصر الطيبين عيني بكت لما التقيت أمي بتبكي أهلي السهم نافد في حنايا قلبها الدمع كان من دمها وسمعتها بتنادي ويايا تقول يا أهل مصر الطيبين إياكوا تنسوا عهدكوا ويا الأمنين يامسلمين أهل أمانة في رقابكم كلكم وأنا أهلي هما أهلكم يا أهل مصر الطيبين الدمع غالي في عيون طه الآمين الدمع غالي في عيون أمي وأم المؤمنين الدمع غالي في عيون ابن البتول الطاهرة على مر السنين ياطيبين يامخلصين يامؤمنين وموحدين بالحب نسمح دمعهم بالرحمة هنزيل همهم والجرح وإن كان يطيب يا أمة الهادي الحبيب يا أهل مصر الطيبين