أنا بحب واحد من على النت، وهو كان مهتم بيّ جداً؛ بس كان زعلان إني مش باخرج معاه؛ المهم في أول علاقتنا كان اهتمام على طول وكلام حلو أوي؛ بس أنا ما كنتش باعمل زي ما هو بيعمل أوي؛ بس في الفترة الأخيرة بقيت حاسة إنه قلبه مش معايا وما بقتش فارقة معاه وكلامه ليّ قليل أوي، يرد على أد الكلام بالظبط، ويمكن أقل. المهم إحنا دلوقتي شبه سايبين بعض وأنا بحبه أوي، وفي نفس الوقت مش عارفة أرضيه عشان موضوع الخروج ده عشان هو زميل أخويا، وأنا باخاف زي أي علاقة وتلقب بفضائح، مش عارفة أعمل إيه أرجوكم ابعتوا ليّ الحل بسرعة، أنا باضيع.