أنا عندي 20 سنة ومرتبطة بواحد بحبه جداً جداً جداً بقالي سنتين وهو أكبر مني بسنة. مهما بنتخانق ولا بنبعد عن بعض أو أي حاجة تحصل بنحن لبعض ونرجع نحب بعض أكتر وأكتر. المشكلة بقى في أسلوبه معايا هو تقريباً مش بيعرف يتعامل معايا بالشكل المطلوب. يعني نفسي يكلمني بذوق وكده، هو عايش في قرية قريّبة من المدينة اللي أنا عايشة فيها، وهو في آخر سنة جامعة وهيخلص ونتخطب، هو غيّر فيّ حاجات كتيرة وأنا كمان عايزة أغيّر فيه النقطة دي. المشكلة الثانية: التعوّد والروتين، وهو للأسف ما فيش أي تغيير في حياته، ومش بيحب يغيّر حاجة وروتيني جداً. وأنا بحب التغيير ومش عارفة برضه أخليه يحب الحاجة دي إزاي. أعمل إيه؟ أصحابي قالوا لي سيبيه وأنا بحبه أوي والمشكلة الأكبر إني عارفة إنه بيحبني. أرجوكم ساعدوني أنا متابعة من زمان الموقع بتاعكم وبيعجبني آراؤكم بجد المشاكل دي معيشاني حياة نكد وحياة مملة، وبالتالي أنا بنكد عليه، وبالتالي بيبقى مش حابب يكلمني كتير زي الأول، ولسه هستنى سنة وكمان سنة خطوبة ممكن نتعب ونسيب بعض. أعمل إيه ساعدوني؟ R