أنا عندي 29 سنة، اتعرّفت على إنسانة عندها 20 سنة، وأنا حبيتها جداً وهي بتحبني جداً، كنا بنتقابل مع بعض طبعاً من غير ما حد يعرف؛ لأن أهلها من عيلة محافظة من الصعيد؛ يعني لا قدّر الله لو حد عرف ممكن تحصل مشكلة كبيرة، أنا قلت لها أنا هخطبك عشان نبقى في النور قدام الجميع، وبالفعل رحت أنا وأهلي عشان أخطبها، بس للأسف أبوها رفض، وقال لسه قدامها سنة في الجامعة، وبعدين بعدها بسنة هافكّر في موضوع جواز بنتي، ممكن يكون لأسباب مادية الله أعلم، بس حاولنا معاه بشتى الطرق إنه حتى يدينا كلمة، وأنا أستناها، ما وفقش، المهم إني أنا دلوقتي جاهز للجواز، وأنا مش متخيّل حياتي مع حد تاني غيرها، وأهلي بيضغطوا عليّ إني أتجوّز وأنا مش قادر أبص على أي واحدة تانية، وطبعاً هي مش قادرة تتكلّم، بس كل لما أكلّمها في التليفون تبكي وتعيّط، وتقول لي ما تسبنيش الله يخليك.. أنا مش عارف أعمل إيه، وخايف أستناها أبوها ما يوفقش لو كان مثلاً فيه حد تاني اتقدِّم مستواه أحسن مني، يا ريت حد يفيدني في المشكلة دي. dddsss