حادث..وهيعدي..بقلم :أحمد عرابي

يابلد.. ع. البنت و الولد
اللي ماتوا. بجرة..
قلم..
ماتوا بحبة الم
والفقير اللي مات بالقطار
والروفات.اللي. ف الانتظار
واللي مات حريق
ولا غريق…
مات ف ليل ولا نهار
مش هيفرق.. الاختيار
الفقير مات.. بهمه
بحزنه وغمه
والمصيبه انه ولا همه
راح مع.. التيار
راضي.. بالاختبار
اه.. اه. والف اه
ع الجريح
اللي بقى طريح
ف ظلمه الليل الصحيح
واللي ثار
مهما.. ثار
لسه سهد.. الظلام
له طريق
واللي راح وسط الرماد
واللي مات ف ذات العماد
زي اللي مات ف الاهرامات
زي اللي عاش
ومن القهر مات
زي زيف
زي ضيف..
ف الحياه
.. وف لحظه
بلغ منتهاه
ربك. مقسم الاعمار
اللي نهايته بالقطار
زي اللي موته بالنهار
واللي موته ع ترابيزه قمار
الفرق بس ف الاقدار
اه. والف اه
ع الغلبان
ع الشقيان
ع التعبان
واه.. من الثعبان
اللي نثر.. سمه.
وكان لغز الاسرار
.. مين السبب
ف الهوجه
هتلاقي سوس
ناخر نفوس
وحاجات كدا ف الخباثه
يكفيكم شر السياسه
ولدغة. الوسواسة