تداول نشطاء على مواقع التواصل الاجتماعي "فيس بوك" و"تويتر"، الكثير من التعليقات والصور، تعقيباً على موجة البرد الشديدة التى تجتاح البلاد، والانخفاض الملحوظ في درجات الحرارة، بعد أن حذرت الارصاد الجوية المواطنين من هذه الموجة، والتشديد على ضرورة اتخاذ الاجراءات اللازمة لمواجتها. وكانت من أبرز هذة التعليقات: درجة الحرارة دلوقتي 2.. يعني احنا دلوقتي في الرف اللي تحت الفريزر.. محصلناش درج الطماطم حتى!. اللى عنده كلسون أحسن من اللى عنده آيفون. دي مش موجة برد.. دي حملة فريزر التانية على مصر. لو لقيت بطانية ماشية فى البيت، ما تخافش ده حد من أخواتك رايح يشرب. الجو فاكر نفسه في أوربا، حد يقوله يعيش عيشة أهله. الموجة دي هتخلص يوم الأحد، وموجة تانية أشد هتبتدأ الأربع، يعني للي عايز يستحمي يلحق نفسة الاتنين والتلات. مفيش غير الكلسون هو الحل هو الراعى الرسمى للشعب المصرى فى هذا الظرف العصيبة. فى البرد ده أدفى مكان هيبقى الثلاجة. ناس كتير بتكتشف موهبتها في الباليه.. لما يعدوا الميه اللى فى الشارع. أنا بتجمد يا فخري.. حسبي الله ونعم الوكيل. بالنسبة لموجة البرد اللي مطولة معانا دي.. ما لهاش أهل يسألوا عليها. هو لسه فيه بنات مصدقة أن ممكن ولد يقلعلها الجاكت بتاعه ف الجو ده، ده مش بعيد ياخد الطرحة بتاعتك ويعملها سكارف. الكلسون.. شعار المرحلة. الواحد عمال يقفل مداخل ومخارج البطانية ولا عساكر حرس الحدود، وقت اعلان الحرب ، بطانية متامرة ومندسة. لما حال الناس الموجودين فى القاهرة كده.. الناس اللي في اسكندرية اتجمدوا ولا لسه؟!. رسالة إلى البرد العزيز الغالي صوابع رجلي وإيدي مش حاسس بيهم وقلنا ماشي، لكن كمان تسقع كوباية النسكافية قبل ما اشربها.. لأ كدة كتير. أيها الأخوة المواطنون، فى ظل تلك الظروف العصيبة قرر الشورت تخليه عن منصبه، وكلّف الكلسون بإدارة شئون الأرجل، والله الموفق والمستعان. عزيزتي 2015.. إحنا قولنالك خوشي برجلكي اليمين ..مش بتلاجة 50 قدم.
