أثيرت حالة من الجدل بين رواد التواصل الاجتماعي، وذلك بعد رواج منشورا مؤلما لفتاة والذى عرفت ب"فتاة الميراث"، تتعرض لظلم من أقرب الناس لها، من اعمامها الذين اعتدوا عليها عليها راغبين في طردها إلى الشارع مع شقيقتها الطفلة للحصول على حقهم من منزل والدها المتوفي. اقرأ أيضا:- مدبولي يبحث محاور المؤتمر الاقتصادى بتكليف من الرئيس بداية الأزمة وكتبت الفتاة: "أنا ابويا توفى من سنة، وماما توفيت 26 رمضان اللي فات، عندي اخت صغيرة اربع سنين، ومليش اخوات اولاد، لي 3 اعمام.. عايزيني أبيع البيت عشان ياخذوا ورثهم فيه، وأنا مليش مكان ولا مأوى لي او لأختي غير بيتنا ده". وأضافت: "نصيبنا مستحيل يجيب لنا شقة، وانا مش عارفة اروح فين، فهل فيه قانون يوفر لي مسكن، لأننا بنات وملناش مأوى غير بيتنا ده". وتابعت: "انا انضربت كذا مرة من عمي الكبير عشان أمضي، وخايفة امضي ابقى في الشارع، واهل ماما من ساعة ما اتوفت ما سألوش عليا ولو باتصال، انا مش معترضة على حقهم، انا عايزة نقعد في البيت لحد حتى ما اتجوز وخذ اختي معايا، لكن اروح فين دلوقت وانا معنديش دخل خالص للايجار بره، لان مفيش دخل لأكلنا وشربنا اصلا، وعايشة على السلف لحد ما اقبض معاش بابا وماما، وماديا حاليا مش هاقدر أرفع قضية لاني مش معايا اتعاب المحامي". واختتمت: "عايزة اعرف، فيه حاجة ممكن تخليهم يسيبوني قاعدة في البيت لفترة مؤقتة لحد مثلا ما اتجوز وآخذ اختي؟ ولا ايه!! ارجو تفيدوني". استغاثة الميراث نشرت إسراء طارق صاحبة استغاثة الميراث من أعمامها والمعروفة ب"فتاة الميراث"، منشورا على صفحتها الشخصية على موقع التواصل الاجتماعي "فيسبوك" أكدت فيه تواصل مجلس الوزراء معها خلال الساعات الماضية، وذلك من أجل الحصول على بياناتها الشخصية، لحل استغاثتها الأخيرة ضد أزمة ميراثها مع أعمامها. الدنيا اتقلبت وقالت إسراء في منشورها: "أنا نزلت البوست في جروب، ونمت وصحيت لقيت الدنيا اتقلبت وأنا مكنتش عندي أمل 1% إنه يحصل ربع اللي حصل معايا، وكان غرضي من البوست، إني أشوف حل قانوني ومحامي يقف جمبي لحد ما أقدر أرجع حقي.. النهاردة الصبح لقيت اتصال من مكتب رئيس الوزراء، وبتتاخد بياناتي عشان تساعدني في مشكلتي مع أعمامي". مجلس الورزاء يتدخل لحل الأزمة وأضافت: "أنا مرة واحدة لقيت عوض ربنا بيجيلي بدون مقدمات وكنت فاكرة حياتي كلها سودة إلا أن عوض ربنا وطاقة النور ظهرت مع بداية صبح النهاردة.. كل الشكر ليكم ولكل الناس اللي وقفت جمبي حتي بالكلام.. أنا مدينة ليكم بكل الشكروالناس اللي دخلتلي عايزة تساعدني مادياأنا مش محتاجة فلوس ومطلبتش من حد فلوس أنا كل الل كنت محتاجة من البوست اللي نزلته حل مشكلتي" وكشف أن المحامية نهاد أبوالقمصان عضو مجلس حقوق المرأة قد تواصلت معها لحل مشكلتها، لكن مجلس الوزراء كان بالفعل تدخل لحل المشكلة. وكتبت إسراء منشوراً أخر عبر حسابها على "فيسبوك"، وقالت: "يا جماعة موضوعي بنسبة 98٪ اتحل خالص وحقي جاي جاي.. بشكركم كلكم على وقفتكم جمبي وبطمنتكم عليا أنا بخير".
