تصدر اليوتيوبر أحمد حسن قائمة محتويات الاكثر بحثاً على مؤشر البحث العالمي جوجل ومختلف مواقع التواصل الاجتماعي بعدما اتهمته فتاة تُدعى "سما" بالتحرش بها ومحاولته استدراجها إلى منزله لكي يمارس معها الرذيلة بحسب كلامها، ما أثار ضجة واسعة بين رواد السوشيال ميديا دفعتهم لشن حملة هجومية على حساباته الرسمية. اقرأ أيضاً.. بالفيديو.. أحمد حسن وزينب يستغلان "الموت" لكسب الشهرة والمال بلوجر شهيرة تكشف تفاصيل تعرضها للتحرش من اليوتيوبر احمد حسن كشفت اليوتيوبر "سما" تفاصيل تعرضها للتحرش اللفظي من اليوتيوبر أحمد حسن خلال محادثتها معه عبر حسابه الشخصي بموقع تبادل الصور والفيديوهات "انستجرام"، حيث ظهرت من خلال مقطع فيديو نشرته عبر قناتها الرسمية على موقع الفيديوهات الشهير "يوتيوب". وتحدثت "سما"، في الفيديوعن بداية معرفتها باليوتيوبر أحمد حسن وسبب كلامها معه قائلة: "بعت لاحمد حسن لما كتب "بوست" يطلب فيه فتاة تعمل بدور البطلة في فيلم قصير على أن يكون عمرها من 20 سنة حتى 35 سنة، بعتله وقولتله أنا 19 سنة ينفع؟، قالي مش مشكلة تمام وابعتي صورك". لمشاهدة الفيديو اضغط هنا وتابعت: "بعتله صوري بدل ما يقولي هتقابليني في مكان عام، فاجئني برد غريب اوي بصراحه، قالي انتي جسمك حلو وابيض من حياتي قالي انتي جسمك حلو ويعتبر اتحرش بيا لفظيا، فأنا لما لاقيت الكلمة دي قولت لا أنا هجرجره في الكلام تاني، وكل حاجة تبقى واضحة، بعتلي رقمه واتساب وكلمته وبدأت المحادثة من هنا وبعد كده كلمته". وأردفت: "اتصدمت ان احمد حسن قدام الناس محترم، وطلع بالقذارة دي المصيبة ان هو طلب ان انا اروحله فلته للمارسة الرذيلة معه قاللي هنلعب عريس وعروسة ولما رفضت ابعتله صوري قالي هو انتي لما هتشوفيني مش هتعملي كده مش هتحضنيني وتبوسيني؟ وأضافت الفتاة قائلة: "بعتله على الشات قالي ابعتيلي صورك بالكات وصور خاصة ليكي ف بعتله صور عادية قلت يمكن عايز يشوفني من كذا اتجاه ، بعدين قالي تعالي اقابلك قلتله ليه قالي عشان اشوفك وتشوفيني قالي مش هينفع في مكان عام انا فيلتي قدام مول مصر ومستعد ابعتلك أوبر يوديكي ويجيبك". واستكملت كلامها: "قالي الفيلا عندي انهارده فاضية مفيش حد وكان ساعتها مرات زينب بتصور في بيوتي سنتر بره". من هي البلوجر "سما" التي تعرضت للتحرش من اليوتيوبر احمد حسن واختتمت كلامها : "انا الموضوع ده أثر في نفسيتي جداً لاني متجوزة وعندي بنت و مجال السوشيال ميديا ده بيودي في داهية، وانا فضلت اقوله وهو مكانش بيسمع ليا خالص و بيرد على اللي عايز يرد عليه وبس". أول تعليق لليوتيوبر احمد حسن على اتهامه بالتحرش واستدراج فتاة لممارسة الرذيلة من ناحية أخرى، نفى اليتويبر أحمد حسن، كلام الفتاة المتداول بشأن تحرشه بها، وذلك ن خلال فيديو بث مباشر عبر حسابه الشخصي بموقع التواصل الاجتماعي الاشهر "فيسبوك" حيث قال: "كنت في عيد ميلاد بنتي ولقيت واحدة بتدعي إنها كانت بتكلمني على واتساب وتويتر لكن الكلام ده مش حقيقي". وتابع: "إزاي بتقولي إن إحنا كنا بنتكلم على الإنستجرام الساعة 6 وقولت لك كلميني على الواتساب، والصور اللي اللي نزلتيها من المحادثة بتاعت واتساب كانت الساعة 4، ده يأكد أن كلامك غير حقيقي". أما عن الرسالة الصوتية التي نشرتها وزعمت أنها بصوته علق عليها قائلاً: "الرسايل اللي ادعت سما انها بصوتي، ده صوتي فعلًا وببعت الرسالة دي علطول للمعلن عشان يتأكد إن ده حسابي فعلًا عشان يبعت لي الفلوس". وبالنسبة للقطات السكرين شوت التي عرضتها الفتاة "سما"، قام احمد حسن بعرض لقطات شاشة لمحادثات جمعته بعدد من المشاهير حول العالم، ليثبت بذلك أن تحريف لقطات الشاشة ليست بالأمر الصعب .. هي كل غرضها انها تتشهر". واختتم دفاعه عن نفسه قائلاً: "أنا بتعرض للابتزاز من ساعة الفيديو ده ا نزل، وفي ناس عرضت عليا مسح الفيديو مقابل اني ادفع مبلغ كبير بس انا رفضت"، معلنًا اعتزامه تقديم مقاطع صوتية مسجلة تثبت حقيقة كلامة إلى القضاء للحصول على حقه.
