"فى الإنجيل وفى القرآن وعلامة واضحة فى كل الأديان مصر أم الدنيا وترابها بأغلى الأثمان .. بس مين يقدر ويفهم .. يارب فتح عنينا على نعمة بلدنا".. هذا ماعبر عنه الطالب مينا جورج الذى قام برسم خريطة مصر بشكل يجمعها كنسيج واحد حيث تتواصل الخطوط العربية مشدودة باتصال طرفيها مسلم ومسيحى وكأنه يرسل رسالة لعدم التفرقة فى الانتخابات والعمل على نبذ الخلافات لإصلاح الحياة السياسية. وقال مينا "لو تحب مصر انشر هذه الصورة لأن لها معنى يغنى عن ألف موضوع مكتوب وبمجرد نشر الصورة على الفيس بوك انهالت التعليقات عليها ونشر آلاف المصريين الصورة". مما جعل مينا يرد ويقول "أنا باشكر كل واحد شاركنا فى نشر الصورة دى على الفيس .. واللى عايز أقوله لكل واحد بيقرأ كلامى دلوقتى .. أنا وأنت مصريين وأنا وأنت بنى آدمين .. وفى اليوم الأخير هانقف قدام رب الوجود .. وساعتها هانكون كلنا قدام سؤال .. ياترى كان جواكم حب وخير وجمال .. ولا كراهية وقلوب سودة بتفكر فى الشر .. افتكروا اللحظة دى .. وقولوا لكل الناس كلمة حلوة تحنن قلوبهم على بعضهم وعلى بلدهم .. مش هانعيش مرتين .. هى مرة واحدة خلينا نعيشها وكأنها جنة".