كتب الشاب المسيحي رامز بطرس عددا من الرسائل عبر تويتر يرثي فيها الشيخ عماد عفت الذي قتل برصاص الغدر يوم الجمعة 16 ديسمبر واصفا الشيخ بأنه "الشيخ الجليل" ويقول: - كياني مُهتز بالكامل عندما رأيت فيديو شيخنا الجليل عماد عفت وهو يتكلم...انظف ناس بتموت و اوسخ ناس بتدخل البرلمان - انا هاروح الجامع الأزهر بُكره...و بقنع كل اصدقائي المسيحيين ينضمولي...انا همشي في جنازتك يا شيخنا ياجليل زي ما مشيت في جنازة مينا دانيال - انا حزني علي مينا هو حزني علي شيخنا الجليل هو حزني علي كل شاب يموت علشان البلد ديه تقوم و تكمل..يارب ارحمهم جميعاً - شايف الشيخ عماد قاعد بجوار اخويا مينا دانيال و بيقوله الشباب دوول مش هيضيعوا دمنا علي الفاضي. - انا يوم استشهاد صديقي مينا دانيال اللي وقف جنبي صحبي دكتور محمد و لما استشهد الشيخ عماد عايز اقول لكل المسلمين انا معاكم و جنبكم - انا بدعو كل المسيحين بكره لازم ننزل و نحضر جنازة شيخنا الجليل عماد عفت لنثبت للجميع اننا واحد - لا يمكن اشعر بلسان مشلول بداخلي..حزين حزن ايام ماسبيرو و القديسين...الشيخ عماد ربنا يرحمك - عندما اري شخص مسيحي يضع صورة الشيخ عماد عفت علي صفحته و يدعوا له بالرحمه..اتذكر ان مصر مازلت قوية - بجد حزين علي فقدان الشيخ عماد عفت...بيصفوا اعظم ناس في مصر - ليس كل الناس محترمين ولا يجب ان تحكم علي جماعه من شخص واحد وانا كمسيحي اتبرأ من فيلوباتير...صدقني مصر لسه فيها خير رامز بطرس - تويتر