استنكرت حركة 6 إبريل، حالة البذخ التي ظهرت خلال افتتاح الرئيس عبدالفتاح السيسي لعدد من المشروعات بمدينة 6أكتوبر أمس، والذي بدا من خلال تغطية الأرض بالسجاد الأحمر لعدة كيلومترات، في الوقت الذي يلمح فيه برفع دعم المياه. وقالت الحركة في بيان شديد اللهجة: "إحنا دافعين تمن المياه، مش بس كده، إحنا دافعين تمن الميه والكهربا والسلاح اللى بتقتلونا بيه، دافعين من قوتنا ملايين ومليارات كمان بيسرقها لواءات الشرطة وبعدين يرجعوا جزء منها ويتصالحوا ويروحوا بيوتهم". وأضافت: "دافعين تمن بدلة السيسى وأكله هو والوزرا كلهم، وتمن تنقلاتهم وعربياتهم وتأمين مواكبهم وكمان تمن السجادة الحمرا عشان عربية السيسى تمشى عليها، دافعين تمن مشاريعكم الخايبة اللى بتسرقوا فلوسها، واحنا مش لاقيين ناكل". وتابعت الحركة: "دافعين مرتبات كل ظباط الجيش والشرطة وأمناء الشرطة اللى عاملين فيها بهوات وعاوزين يبلطجوا على الدكاترة". وأردفت: "حتى تمن المسدس اللى بيتعايقوا بيه احنا اللى دافعينه من قوتنا وضرايبنا والمليارات اللى بتتاخد مننا ومنعرفش بتروح فين، وف الأخر ييجى اللصوص يقولوا دعم الفقرا هو اللى مبوظ الاقتصاد".