ع الجهوة واد خالي بجالك بينا يومين . تمسك في ودانا اتنين اتنين . موش خابر عاد ع توَعِّي في مين وتدادي في مين وتراضي في مين يابو خالو الناس برضِيك واعيين جي تنْصف عاد بجى مين من مين.. أجربها يومين. فاكرين ياولاد ياولاد فاكرين .. أحمد سماعين. أحمد سماعين يوم جاله مغص. ميل على مين؟ موش جال يا ميلاد الحجني ياواد بعودين نعناع واندهلي ياسين؟ كلنا عارفين الجار للجار والدين لله والناس راجعين بين جنة ونار يتحاسبوا حداه إخوان في العيش والدين لله. سبحانه له وحده صيام وصلاه.. والناس عارفين طول عمرنا سوا هناهوه عايشين نتشاركو الزاد ونوعوا ولادنا على الشياطين وح نفضل سوا برضيك في الجاي طب أجولك عاد: طلب لك شاي؟ جولتلي واد مين؟ جايلنا منين؟ استنى يا واد.. عم ترمح ليه.. يا خي سنتك طين..
حرامى الغسيل حرامى اتعكش ويّا حبل الغسيل جابوه الغفر وفوق راسه شيلته ورا منّه شلّة "لسانهم" طويل بنسأل قالوا لنا صحابه وعيلته ---@@@--- قالوا "الباشمهندس" دا راجل أصيل بلاش تلعبوا له في شرفه اللي حيلته شوية تجسس! ودلوقتي قال: بيسرق هدومنا بقص الحبال دا راجل معتق ومليان وعال لا يمكن حيطمع في لبس العيال ---@@@--- يا ناس داحنا جايبينه من ع السطوح وبؤجة هدومكو على دماغ جنابه تعالوا الحقوها ولمّوا اللي باقي وبعدين نعيّط عليه واللي نابه ---@@@--- قميص أم أيمن وكلسون لواحظ وشرْز العجايبي وشال عم جاد وطرحة محاسن وسُتيان سمارة ومنديل بقوية بتاع اعتماد وتلفيحة ما دري جايبها منين وبالطو عطاطي وقلشين حسين ---@@@--- حرامي قراري ... ماخلاش وراكو فجاملوه ثم يالاّ... تلموا لعشاكو
قراميط ... تزغيط القراميط.. فرقة مساخيط-==- جورنالجية .. بتوع شخابيط بس كفاءة فِ التشبيط-==-"فلْ" و" شعبْ" وجنب الحيط! قرص فياجرا وكلّه يشيط ---@@@--- والقراميط فرقة "تشقيط" -==- صاحب الحظ بياخد الليلة اللي يتقّل جيبه يزيط-==- يبقى الكنج ورب العيلة كل يومين بنقص "شريط" ---@@@--- القراميط غاويين تنطيط -==- يتْنَقّلو من حضن لحضن فرقة بتاكل م "التنقيط" -==- تدفع تركب ست الحسن عرفي وشرعي و"بالتزبيط" ---@@@--- القراميط لبسو البرانيط -==- بينخربوا من تحت الحيط "بلا أديان بلا شغل عبيط -==- كله يشهيص.. كله يزيط" شغل أبالسة وراه تخطيط ---@@@--- فرقة ولامّة زعيط ومعيط -==- يعني نجومها "عبيط" و"سَلِيط" واللي مذاكر ف "التزغيط" --==-- بير جرّار والقعر غويط دول "قراميط" وولاد "قراميط"
عم عطاطى ... الديمقراطى عم عطاطي يوم ما يروق-==- تلقاه يرقد على الصندوق والشرعية بالأصوات-==- واللي يبمبك ف ده محقوق نبض الشارع الانتخابات ----@@@----- لكن لو يطلع مسبوق==- تلقاه يتنصّح ويفوق يرجع يلحس تاني قفاه-==- يعمل ثاير واللي معاه كام كتكوت نازلين بالبوق-==- قال ف مظاهرة وطق عروق ييجي "بخاتي" ييجي "نشاطي"-==- لكن ما يجيش "عبد العاطي" يبقى "توافق" وابصر إيه-==- شغل وواخد هوه عليه ----@@@----- كام هتّيف والشعب يريد-==- عم عطاطي بالتحديد قرّب شوف ياللي إنت بعيد والمتوافق يا ولداه-==- يرضي عطاطي واللي وراه وعم عطاطي مابيرضاش على طول راكب بالمقلوب-==- فرقة وغاوية تحدف طوب يحكم هوه يا إمّا بلاش ----@@@----- والقراميط على طول سانداه-==- مانشيتات وتغني وراه والقنوات تعمل سهرات-==- نحنو نريدو عطاطي بالذات قال: لا مؤاخذة الشعب عبيط -==- بايع صوته بسمنة وزيت يبقى نهدّ وموش لاعبين -==- إلا توافق زي الصين لا انتخابات ولا شاي ومغات-==- شوفوا نيكاراجوا وشغل الجات ----@@@----- أي كلام مع كام دلدول -==- م اللي بيفتوا بشقة فول تسمع تلقى الشعب يريد-==- حكم سيادته وعهد جديد كده على قد ما تقدر.. قول ----@@@----- عم عطاطي الديمقراطي-==- كده م الآخر راجل واطي لما تسيّب له بيتفرعن-==- وأما تبُخ في وشه يطاطي عم عطاطي
