وجه الإعلامي إبراهيم سعيد، رسالة إلى قائد النادي الأهلي محمد الشناوي، بسبب التصريحات الأخيرة من جمهور المارد الأحمر على اللاعب. وقال إبراهيم سعيد في تصريحات تليفزيونية عبر شاشة «النهار»: «الشناوي من حراس المرمى المميزين، ومن أفضل الحراس الفترة الأخيرة مع الأهلي أو المنتخب». وأضاف: «الجمهور دايمًا لما بينتقد الشناوي بيكون عشان نجوميته، وطبعًا مفيش حد فوق النقد، الناس واثفة في الشناوي وعلى قد المحبة بيكون الهجوم، وبتمنى يكون ليه دور كقائد في توجيه اللعيبة بعيدًا طبعًا عن تصديه للكرات والحفاظ على نظافة شباكه». وأكمل: «الفرق بين دلوقتي والماضي، هو ظهور مصطفى شوبير وظهوره بالمستوى المميز وتمسكه بالفرصة، وده اللي عمل ضغط الشناوي، الجمهور بقى يطالب بالدفع شوبير في أول عرقلة للشناوي». وأردف: «المنافسة اللي بين شوبير والشناوي دلوقتي في مصلحة الأهلي وحاجة مهمة جدًا للفريق، والشناوي لازم يتسعيد مستواه لأن الكورة عمرها ماكانت باسم حد، ومفيش حاجة اسمها المكان ده بأسمي». وواصل: «الشناوي عنده خبرات ولإمكلنيات تقدر ترجعه من تاني ويعود لمستواه ويستعيد ثقة الجمهور». وأتم: «الشناوي ليه لقطة شهيرة في مباراة السوبر الإفريقي، بأحد ركلات الترجيح اللي دخلت مرماه، وهو بيقول للجمهور أعملكم أية، ودي حركة مينفعش تطلع من الشناوي يعني أية أعملكم أية».