كشف الدكتور محمد العقبي، المتحدث الرسمي باسم وزارة التضامن الاجتماعي، عن كواليس زيارة مفاجئة، أجرتها الدكتورة مايا مرسي، وزيرة التضامن الاجتماعي، بمنطقتى ساقية مكي والعمرانية، للوقوف على مدى جودة الخدمة المقدمة للمواطنين والتحديات التي تواجه الموظفين. وأوضح العقبي، فى منشور عبر حسابه على موقع التواصل الاجتماعي «فيس بوك»، اليوم الأربعاء، أن الوزيرة أعطت مهلة أسبوع لتعديل الأخطاء دون تحويل للتحقيق. وتابع: «من أجل يوم كهذا عدنا يادكتوره مايا، النهارده يوم من أهم أيام عملي في وزارة التضامن الاجتماعي، أنك تصحي الصبح بدري تلاقي الوزيرة بتقولك جاهز نطلع زيارة مفاجئة قبل ما تروح الوزارة لاتملك الا انك انك تقول (جاهز يا أقندم) ومن جواك مبسوط انها هتبقي زيارة بجد مفاجئة مش زي الأفلام». وأضاف المتحدث الرسمي باسم الوزارة: «فتلاقي نفسك في ساقية مكى والوزيرة مذاكرة هي رايحه فين وعارفه العنوان علي الgps وفجأة الموظف يلاقي الوزيرة واقفه علي الشباك مع المواطنين، وبعد دقايق تدخل الوزيرة علشان هي تقدم الخدمة وتسهل للناس طلباتهم، وفي نفس الوقت تسمع راي الموظف وتتعرف علي التحديات اللي بتواجهه لأن فعلا زملاءنا بيشتغلوا في ظروف صعبه». واستطرد: «وبعدها نطلع علي العمرانيه ونطلع من سلم ضيق وسط الناس وتلمح الوزيرة ورقة متعلقه بتقول أن كارت الخدمات الخاص بالاشخاص ذوي الاعاقه في الأدوار العليا ثم توجه بأنه لازم ينزل في الدور الارضي، وتقرب من الموظفين وتقولهم لازم نشيل الناس علي رأسنا ونخلص مصالحهم أنتم عارفين احنا بنخدم ناس ظروفها صعبه». واستكمل: «دي كانت لغة الوزيرة، قالت مش هحول حد للتحقيق بس معاكم أسبوع كل الملاحظات تتعدل وطلبت من الأدارة المركزية للمديريات خطة عمل لكل الوحدات الاجتماعية». واختتم: «رجعنا الوزارة تعبانين من الجري علشان نبدأ يومنا، بس من جوايا حالة رضا وشعور بأن في اخلاص في خدمة الناس وأن من اجل اليوم ده رجعت التضامن علشان الشغل بأخلاص واحترافيه أهم من اي حاجه تانية».