كشف الإعلامي خالد الغندور، عن كواليس قرار مجلس إدارة نادي الزمالك برئاسة حسين لبيب، بشأن استخراج تأشيرة سفر لأحمد فتوحح، الظهير الأيسر بفريق كرة القدم الأول بالنادي. وأضاف الغندور خلال تصريحات فضائية عبر برنامجه «ستاد المحور»:«الجهاز الإداري لنادي الزمالك أرسل اسم أحمد فتوح ضمن أسماء اللاعبين اللي هيتم استخراج تأشيرة سفر الإمارات لهم للمشاركة في بطولة السوبر المصري». وتابع خالد تصريحاته: «طب هل فتوح هيسافر مع الفريق الإمارات؟. الحقيقة حتى الآن هي أن فتوح خارج حسابات الزمالك للسوبر المصري تماما عشان هو عنده جلسة يوم 22 أكتوبر. فا ربنا يرحم الفقيد ويغفرله، حتى لو تم الصلح مع عائلة المرحوم لازم يحضر الجلسة وعشان كدة بنسبة كبيرة هو خارج السوبر المصري تماما إلا لو سافر مباشرة بعد الجلسة». وزاد:«طيب حد يسأل ليه الجهاز الإداري عايز يطلعله تأشيرة.. باختصار هما شايفين إنهم لازم يبقوا جاهزين لأي موقف أو ظرف وجرت العادة في الزمالك إنهم يطلعوا تأشيرات لكل اللاعيبة في الفريق وبعدها يشوفوا مين اللي هيسافر بس الأهم يكون الجميع جاهز». واستكمل:«بمناسبة الكلام عن أحمد فتوح كنت بتكلم مع أحد لاعبي الزمالك الكبار وقالي إن فتوح اتغير تماما وشخصيته بقت مختلفة تماما. الراجل شاف إن الحادثة اللي حصلت درس كبير ورسالة من ربنا وبقى مداوم على الصلاة وكمان طريقة تعامله مع الجميع اختلفت تماما وهو حريص إنه يستمر على نفس الشكل دة».