علق محمود عبد الرازق شيكابالا، لاعب الزمالك، على تتويج الفريق بلقب كأس السوبر الإفريقي، على حساب النادي الأهلي. الزمالك توج بلقب كأس السوبر الإفريقي على حساب الأهلي بركلات الجزاء (4-3)، بعد انتهاء الوقت الأصلي للمباراة بالتعادل الإيجابي (1-1). وقال شيكابالا عبر قناة إم بي سي مصر: "الناس قبل الماتش مكانوش مصدقينا، ناس طلعت في التلفزيون إدونا الدافع إننا نكسب، كل الناس اللي طلعت اتكلمت عن الزمالك بطريقة كويسة بنرد عليهم "الزمالك خد الكاس"، إحنا الواحد مننا بعشرين". رسائل تحفيزية أضاف: "الناس إدونا الدافع إن إحنا نكسب، لما طلعوا قالوا الزمالك ميسافرش، لا الزمالك سافر الزمالك كبير، أنا عملت فيديو قبل الماتش وخليت اللاعيبة تشوفه، شوفوا الناس بتقول عليكم إيه، شوفوا الناس بتحتفل قبل الماتش إزاي". تابع: "بس إحنا كنا مصدقين نفسنا وقفلنا على نفسنا، وهذا دور ال 25 لاعب الذين سافروا والجهاز الفني والعمال والجماهير التي صدقت فينا وسافرت خلفنا إلى هنا". واصل: "الترشيحات تمت بطريقة مش كويسة قبل مباراة السوبر الإفريقي، يمكنك الترشيح لكن دون التقليل من الزمالك، الزمالك نادي كبير، واللاعبين بينهم احترام متبادل، نبارك للفائز ونؤازر الخاسر". شدد شيكابالا: "إحنا احترمنا التيشرت الذي نرتديه، وقفلنا على نفسنا ولم يتحدث أحدًا في شيء، وقلت لهم اتفرجوا على الفيديو قبل المباراة، وشوفوا الناس بيقولوا إيه". كشف: "شاهدنا فيديو لجماهير الزمالك قبل المباراة، 600 شخصًا يتواجدون في غرفة صغيرة، اللاعيبة عيطت في الفندق، لما شافوا جماهيرهم في هذا الوضع عشان يجوا يشجعونا والناس اللي مش مصدقينا، وذلك منحنا الدافع، النهارده إحنا ماسكين الماتش وعملنا كل حاجة، لعبنا كرة حلوة، عملنا ماتش كويس في الكأس بس التوفيق مكانش معانا، لكن التوفيق كان معانا". تألق ناصر منسي أوضح قائد الزمالك: "تحدثت أنا ومصطفى الزناري أثناء التخسين، وكنا بنقول إن ناصر منسي هيجيب جول، وبالفعل سجل، اتكلمنا مع بعض، أنا عارف فرقتي، كنت عارف إننا هنكسب". واصل: "أديبايور طلع زملكاوي، وعن احتفاله مع لاعبي الزمالك باللقب، قال: "أنا جبته خلاص بقى مننا". زاد: "مهما أقول لجمهور الزمالك مش عارف أقول إيه ولا إيه، الناس دي جت معانا الماتش ومصر كلها مش مصدقانا". أكد شيكابالا: "ناصر منسي يستحق ما حققه، لأنه بعدما تعرض للانتقاد، هو اشتغل واتمرن وكافح ولم يتحدث، واليوم جاءت له الفرصة للرد". أشار ضاحكًا: "أقولك ناصر جاب جول ليه؟ نادي النصر كانوا معسكرين معانا في الفندق، وكريستيانو رونالدو كان في نفس الدور مع ناصر ماهر". عتاب وإشادة أردف: "بعاتب قلة من جمهور نادي الزمالك، اللي عملوا فيديوهات واتكلموا بطريقة مش كويسة، هذا ليس جمهور الزمالك، الجمهور الحقيقي اللي جه وشجعنا، أو اللي بعتلنا وأكد على ثقته فينا، جمهور الزمالك اللي بيصدق لاعيبته". أضاف: "الجمهور اللي جه ورانا إحنا بنديهم الثقة النهارده، لأن كان مهم بالنسبة لنا الفوز في بداية الموسم، لعدم رغبتنا في بداية الموسم بطريقة من كويسة، كده الجمهور صدقنا وهيبقى حوالينا، رغم كل الظروف اللي النادي فيها إحنا كسبنا". أتم: "بشكر مجلس الإدارة، لأول مرة من فترة طويلة المجلس يعمل كل حاجة عشان اللاعيبة، وأنا قلت لحسين لبيب إحنا هنكسب، وعملنا لائحة خاصة بالفريق فقط وليس النادي، في المواقف السليمة والخاطئة". وتوج نادي الزمالك بلقب كأس السوبر الإفريقي للمرة الخامسة في تاريخه، فيما حل الأهلي وصيفًا للمرة الرابعة تاريخيًا والثانية أمام الفارس الأبيض
