أكد شوقي عبدالشافي، نجم الأهلي السابق، مساء اليوم الثلاثاء، أن السويسري مارسيل كولر، المدير الفني للفريق الأول لكرة القدم بالقلعة الحمراء، لم يخطئ، مضيفًا أن محمد رمضان نجم عظيم في النادي. شوقي عبدالشافي: كولر لم يخطئ.. ومحمد رمضان نجم (خاص) قال شوقي عبدالشافي في تصريحات خاصة ل«المصري اليوم»: «محمد رمضان راجل شاطر وكان إداري قبل كده، وموجود في النادي ونجم عظيم، والإدارة شايفة إنه المناسب في التوقيت ده». وأضاف: «اللعيبة بتفضل على السوشيال ميديا كتير وده أكبر دليل إن مفيش احتراف في مصر، ولو عايزين نصلح هنصلح، والأهم مصلحة النادي وأنا مش مسؤول دلوقتي». وتابع نجم الأهلي السابق: «كولر عمل إيه غلط، من ساعة ما وصل بيكسب بطولات، هو خسر بطولة وكسب 5 غيرهم، يعني عشان ماتش وحش يمشي، مفيش كده في الدنيا». واختتم: «المفروض خسارة الأهلي أمام الزمالك في السوبر الأفريقي تفوق اللعيبة، ويحافظوا على مكانتهم، خصوصًا إنه متوفر لهم كل الإمكانيات». اقرأ أيضًا: هل هاجم إدارة الخطيب؟.. شوقي عبدالشافي يوضح تصريحاته حول صفقات الأهلي (خاص)