وجه محمد أشرف "روقا"، نجم الفريق الأول لكرة القدم بنادي الزمالك، رسائل نارية، ضد بعض الصفحات على مواقع التواصل الاجتماعي، بسبب هجومهم الدائم على اللاعبين. وكتب "روقا"، عبر صفحته على موقع التواصل الاجتماعي "انستجرام": "بخيول حالة الحزن اللي يعتبر مصر كلها بتعيشها بسبب وفاة كابتن إيهاب جلال، اللي أسأل الله العظيم أن يكون اللي مر بيه سببًا وشفيعًا له يوم يلقاك ومن قبله وفاة أحمد رفعت" وأضاف: "أنا بستغرب الصراحة من كمية النفاق والنقص اللي عند كتير من بيدجات الكورة أو حتى الأكونتات الشخصية اللي بتفضل طول الموسم تريقة على اللعيبة وشتيمة في اللعيبة بالأب والأم وكمية ضغط على اللعيبة بسبب بس انهم مثلاً عملوا حاجة غلط في الماتش أو البيدجات ملهاش مصالح مع اللعيبة دي، ما هي مصالح يعني مبيستنفعوش من وراهم ولا في عزومات وتيجي في ظرف زي اللي احنا بنمر بيه دلوقتي تفضلوا تمصوا في شفايفكو وتتكلموا على الظلم اللي اتعرض ليه كابتن إيهاب أو من وراه أحمد رفعت". وأتم: "بإذن الله وبحق الأيام المفترجة اللي إحنا فيها ربنا يخسف الأرض بكل واحد اتريق على حد أو سب حد أو مثل ضغط نفسي على حد وربنا يرزقكوا بحاجة كده زي عذاب قوم لوط ويخسف بيكوا أرضه وينتقم منكم".
