كشف الإعلامي أحمد شوبير، عن غياب يوسف أيمن، مدافع الأهلي الجديد، عن مباراة السوبر الأفريقي أمام الزمالك، والمقرر إقامتها 27 سبتمبر، في المملكة العربية السعودية. وقال شوبير في تصريحات إذاعية: «مش عارف ايه المشكلة الموجودة دلوقتي، وليه الناس بتتكلم عن غضب وزعل يوسف أيمن رغم لعب مباراتين فقط في الموسم الجديد، وفي كلام أنه مش هيسافر، وهو منضم للأهلي على سبيل الإعارة ومن المفترض أن يحصل على الفرصة». وأضاف: «لو مسافرش إلى السعودية مع الأهلي، ده ممكن يسبب حالة زعل لدى اللاعب». وتابع: «مارسيل كولر مدرب الأهلي، مش مفهوم، يعني الموسم اللي فات خالد عبدالفتاح مكنش بيشارك، والجميع قال أنه ممكن يمشي في نهاية الموسم، بعد نهاية فترة الإعارة، وشوفناه بعد كده بيشارك في مباراتي بيراميدز أساسيا وكان هيختم الموسم، لولا طرده ظلما في لقاء بيراميدز».