علق رضا العزب لاعب الزمالك السابق، على ردود أفعال اللاعبين المستبعدين من قائمة منتخب مصر، التي أعلن عنها حسام حسن المدير الفني للفراعنة، لخوض مباراتي كاب فيردي وبتسوانا، في الجولة الأولي والثانية، من التصفيات المؤهلة إلى مسابقة كأس الأمم الأفريقية 2025، والمقرر إقامتها في المغرب. وأوضح رضا العزب في تصريحات تليفزيونية عبر شاشة النهار: «رد فعل حسين الشحات منطقي من حقه، عشان قدم موسم خيالي مع الأهلي وكان أحسن لاعب، وكمان حسام حسن مجربوش ومدالوش فرصة للمشاركة». وأضاف: «عمر جابر ماشي كويس في الزمالك، وكابتن حسام حسن بيحبه من أيام الزمالك، لكن الفيديو اللي نشره مش كويس ومينفعش من لعيب كبير، أومال حسين الشحات وأكرم توفيق يعملوا أية». وزاد: «أحمد سامي عايز ينضم على أية، أنت عايش الوهم، مش شايل فرقتك وأغلب الأهداف غلطتك، أومال ياسر إبراهيم يعمل أية معلش يعني، سامي عنده بطئ وتمركزه غلط، وأي لعيب عنده رشاقة ومرونة هيلف بيه زي ماتشين الأهلي، أنت متستحقش تلعب في بيراميدز هتلعب في المنتخب». وأكمل لاعب الزمالك السابق: «تعليق ميشيل يانكون مدرب حراس الأهلي، جميل وحراس الأهلي يستاهلو سواء الشناوي أو شوبير أو حمزة علاء».