تحدث خالد الغندور، نجم الزمالك السابق، عن اختيارات حسام حسن المدير الفني ل منتخب مصر، ل قائمة الفراعنة لمباراتي كاب فيردي وبتسوانا، في الجولة الأولي والثانية، من التصفيات المؤهلة إلى مسابقة كأس الأمم الأفريقية 2025، والمقرر إقامتها في المغرب. وقال خالد جلال في تصريحات تلفزيونية على قناة «أون تايم سبورتس»: «حسام حسن ، اختار مجموعة كويسة من وجهة نظري لكن في بعض المراكز فيها مشكلة زي الظهير الأيسر هو واخد محمد حمدي وأحمد نبيل كوكا، كان ممكن ياخد عمر جابر يلعب في مركزي الظهير الأيمن والأيسر، فيبقى عندك أريحية». وأضاف: «مصطفى شلبي أدى بشكل مميز مع نادي الزمالك، وحسين الشحات من أفضل فتراته مع النادي الأهلي، ولكن حسام حسن عنده مشكلة في المركز ده بتواجد محمد صلاح ومرموش وتريزيجيه ومصطفى فتحي وزيزو وإبراهيم عادل، فالموضوع كان صعب بالنسباله». وأكمل نجم الزمالك السابق: «عمر كمال عبدالواحد لعيب بيعجبني جدًا، في الملعب وكمان أخلاقيًا، ولاعب منتج، كنت اتمنى أنه يبقى موجود في قائمة منتخب مصر، وكمان دونجا لعيب كويس لكن حسام حسن اختار بالترتيب هو عنده مروان عطية رقم 1 وبعديه حمدي فتحي». واستمر: «مش بلوم حسام حسن على عدم اختيار محمد مجدي أفشة، دي مشكلة كولر أنه مش بيلاعبه بصورة أساسية كتير، على الرغم من أفشة لما بيلعب بحس أن هو ده شكل النادي الأهلي، لاعب عنده رؤية يصنع أو يسجل، وعنده ثبات انفعالي زي أهدافه في مباراة بيراميدز وسموحة». وزاد: «سام مرسي عدم اختياره جاء بسبب قناعات حسام حسن، وأنه مش موجود في ترتيب اللعيبة والمركز ده بردو بتاع خط الوسط واخد فيه أسامي كويسة جدًا، واعتمد في القائمة على الخبرات الكبيرة مع دعم من اللاعبين الشباب». وأتم خلال جلال تصريحاته: «بحيي حسام حسن على استدعاء محمد النني، لأنه عمل بطولة ولا أروع مع منتخب مصر الأولمبي، دي مكافأة أنك روحت واشتغلت وأنت مش بتلعب مع أرسنال بقالك فترة طويلة، وتظهر بهذا المستوى الرائع مع منتخب مصر الأولمبي فعلا مكافأة».