كشف رضا العزب لاعب الزمالك السابق، مفاجآة بشأن إمام عاشور نجم النادي الأهلي، في مباراة السوبر الإفريقي أمام الزمالك. وقال رضا العزب في تصريحات تليفزيونية عبر شاشة النهار: «نفسي إدارة الزمالك تعلم من الأهلي، وتغش من جمهور المارد الأحمر مش عيب والله، الجمهور طالب مجلس الخطيب بصفقات فور انتهاء الدوري ومركزش في الاحتفالات». وأضاف لاعب الزمالك السابق: «الأهلي بنسبة كبيرة خلص الميركاتو بتاعه لو حسم الصفقتين اللي بيتكلم عنهم، وهم أشرف داري، ومحمد علي بن رمضان». وأوضح العزب: «إمام عاشور تنتظره مفاجآة في مباراة الزمالك بالسوبر الإفريقي، أنه هيلعب جناح شمال، وبن رمضان هو اللي هيلعب في وسط الملعب الهجوم رقم 8، وحسين الشحات جناح يمين ووسام أبو علي فرود». وأكمل: «الأهلي لا ينقصه أي صفقة آخري، وكفاية في مركز المهاجم وسام أبو علي وكهربا، الاتنين كويسين جدًا ومش محتاج تدعيمات تاني، والدفاع كمان هيبقى كويس ب أشرف داري ويوسف أيمن بجانب ياسر إبراهيم ورامي ربيعة». وأتم: «الشناوي رقم واحد وفي حته تانية، مصطفى شوبير بالتأكيد حارس كبير، ولكن لسه قدامه شوية هو اللي جاي، بس اللي يلعب في السوبر الإفريقي من وجهة نظري هو محمد الشناوي، ويحيى عطية الله وخالد عبد الفتاح ظهيري اليمين واليسار».