كشف رضا عزب، لاعب الزمالك السابق، عن رأيه في رحيل أحمد سيد زيزو نجم نادي الزمالك عن القلعة البيضاء للاحتراف الخارجي في الميركاتو الصيفي. وقال رضا العزب في تصريحات تليفزيونية عبر برنامج «بلس 90» المذاع على قناة النهار: «اللي خلي رونالدو يروح النصر السعودي مش هيخلي زيزو يلعب درجة ثانية في السعودية، في رأيي يمشي لو المقابل المادي كبير وهيفيده وهيفيد الزمالك». وأضاف: «زيزو مش هيضيف حاجة جديدة في نادي الزمالك، اللعيبة اللي موجودة مش هتقدم حاجة الموسم الجاي لو محصلش تعديم، وده بوجود زيزو أو بدونه، الزمالك محتاج لاعيبه سوبر كتير 7 أو 8». وأكمل نجم الزمالك السابق: «لو أنت عايز تنافس لازم تجيب لعيبة سوبر، مش تجيب 20 لعيب بيلعبو في مكان تاني، أعمل زي النادي الأهلي لو عايز تنجح وبص للأهلي واتعلم هو في حته تانية بإنجازاته وبطولاته». وأتم: «النادي الأهلي بينافس نفسه دي حقيقة، نفسنا الزمالك يرجع عشان يبقى في منافسة زي الأول، المشكلة في الأشخاص اللي بتنيم الجماهير».