علق سيد عبدالحفيظ، مدير الكرة السابق في النادي الأهلي، على خسارة منتخب مصر الأولمبي أمام المغرب بسداسية نظيفة، في المباراة التي جمعت بينهما مساء الخميس، في أولمبياد باريس 2024. وقال سيد عبدالحفيظ في تصريحات خلال تواجده في برنامج «اللعيب» على «إم بي سي مصر»: «لو هنتكلم عن المنتخب الأولمبي، لازم نقول المنتخب الأولمبي ضحية مين، شوفت لاعيبة مش عايز أقول أبهرتني، شوفت جول زي حمزة علاء، شوفت شخصية زي كوكا، شوفت لاعيب اتطور زي أحمد عيد». وأضاف: «شوفنا أسامة فيصل وشوفنا إبراهيم عادل ومكانته ومهارته، وشوفنا زيزو بالتأكيد، ولكن فنيا المنتخب كان مجهد اجهاد غير طبيعي، المنتخب ده من سنتين تقريبا لاعب المغرب في الدار البيضاء وخسر 2-1 بعد طرد محمود صابر». وتابع: «لازم نعرف ليه المنتخب ده لم يتم إعداده بشكل جيد، لازم التحضير، وهو ده الفرق ما بين منظومتين منظومة ليه علاقات في الاتحادات الدولية والقارية، ومنظومة مبتستغلش ده كويس، ما بين منظومة بتحضر كوادر سواء مدربين أو لاعيبة زي الركراكي اللي خد رابع العالم والسيكتيوي مدرب الأولمبي».