علق وائل القباني نجم نادي الزمالك السابق، على مستوى إمام عاشور نجم النادي الأهلي خلال المباريات الماضية، وتحديدًا في المواجهات الحاسمة بمشوار المارد الأحمر بالدوري المصري الممتاز لهذا الموسم 2023/2024. وقال وائل القباني في تصريحات تليفزيونية عبر برنامج «بلس 90» المذاع على شاشة النهار: «مستوى إمام عاشور متذبذب شوية كويس وشوية لا، نسبة التهديف ليه قلت وخطورته بقيت مش مؤثرة وبيبقى مستعجل». وأكمل: «إمام عاشور أوقات ما كان بيسجل مش دايمًا بردو كان مستواه عالي، بس كنت بقول مش مشكلة واحد بيكسب الفريق فيفضل في الملعب، إمام آخر 8 مباريات هتلاقيه لاعب ماتشين كويسين فقط». وأضاف نجم الزمالك السابق: «إمام دفاعيًا مش أحسن حاجة، مع أنه أحسن خط وسط في مصر بشكل عام، لكن هو مستعجل وعايز يجيب جون عشان يبقى في الصورة، وهو لو مركز وبيباصي بسرعة ويلعب مع زمايلة عشان يساعد نفسه والفرقة هيفضل أحسن لاعيب كورة في مصر». وزاد: «لكن إمام عاشور بيكون أول تفكير ليه أن يرقص ويجيب جون عشان يكون في الصورة، وممكن السبب في تراجع مستواه أنه يبقى مركز مع السوشيال ميديا». ووجه القباني نصيحة ل إمام عاشور، قائلاً: «ركز في الملعب وملكش دعوة باللي بيحصل برة واشتغل بأداءك، ومتسمعش لحد».