انتقد وائل القباني، نجم نادي الزمالك السابق، مستوى لاعب النادي الأهلي إمام عاشور خلال مباراة المارد الأحمر ضد نظيره بيراميدز، والتي انتهت بفوز الأهلي بنتيجة 3-2، في المواجهة التي جمعتهما مساء أمس الجمعة في إطار مؤجلات الجولة 14 من عمر مسابقة الدوري المصري الممتاز النسخة الحالية. وأكد وائل القباني خلال حواره ببرنامج «بلس 90» على قناة «النهار»: «إمام عاشور كان أقل مستوى في المباراة، وده شيء وارد، ولكن تحس أنه مستجعل وعايز يشوط وخلاص، وعايز يعدي على طول مفيش الباص واللعب مع زمايلك». وأضاف نجم الزمالك السابق: «وكمان بقى يفقد تركيزه عشان بيركز أنه عايز ياخد ركلة جزاء، إمام عاشور بدأ ياخد سكة محمد عبدالمنعم لما كنا بنقول عليه بيتعالى على الكورة، وبياخد نفس الطريق والشغل الاستعراضي». وأكمل: «لما بتلعب بجدية، كنت أحسن لاعيب في مصر وبتبذل مجهود جيد ومميز، وعلى سبيل المثال اللي مستواه ثابت أكرم توفيق اللي عمره متعالى وبيلعب برجولة في جميع المباريات».