فتح إبراهيم سعيد، نجم الأهلي والزمالك ومنتخب مصر السابق، النار، على المغربي محمد الشيبي، ظهير أيمن الفريق الأول لكرة القدم بنادي بيراميدز، بعد تدخله العنيف على حسين الشحات، جناح الأهلي، خلال المباراة التي جمعت الفريقين في بطولة الدوري. وتعرض محمد الشيبي، للطرد في الدقيقة 80 من مباراة الأهلي وبيراميدز، بسبب تدخله العنيف على حسين الشحات. وقال إبراهيم سعيد، في تصريحات تلفزيونية عبر فضائية «النهار». «إنت مش داخل على الكورة إنت كنت عايز تبطل حسين الشحات، كورة إنت داخل عشان تأذيه، طبيعي هتاخد طرد». وأضاف: «إنت زعلان إنك اطردت وعايز تضرب الشحات! إحنا كدة بنلعب مع أصحابنا كلام ده مش في مصر، الكلام ده مينفعش في الكرة المصرية ومحدش يقبله، احنا كده خرجنا بره الكرة خالص مينفعش الكرة تبقى كده». وتابع: «الشيبي، أفور الموضوع وواخد الموضوع فتح صدر وأنا هاخد حقي بعضلاتي»، مضيفًا: «إنت كنت عايز تروح تضربه ورضا سليم منعك، إنت عايز تضربه ويبقى اسمك رديت كرامتك، رد كرامتك في الملعب، إنت جامد اكسبني». وأكمل: «يعد ما اطردت بتستفز جمهور الأهلي ليه؟ المشكلة إنك صدقت إن في جمهور بيشجعك، الجمهور في مصر الأهلي، الزمالك، الإسماعيلي، المصري، الاتحاد السكندري، غزل المحلة، بلدية المحلة». وأتم: «سيبك من اللي سخنوك وخرجوك بره تركيزك، على فكرة انت سبّب الهزيمة من الأهلي».