وجه مجدي عبدالغني، نجم الأهلي الأهلي السابق، رسائل نارية إلى المغربي محمد الشيبي، ظهير أيمن الفريق الأول لكرة القدم بنادي بيراميدز، وذلك بعد تدخله العنيف على حسين الشحات، لاعب الأهلي، خلال مباراة الفريقين في بطولة الدوري. وتعرض محمد الشيبي، للطرد في الدقيقة 80 من مباراة الأهلي وبيراميدز، بسبب تدخله العنيف على حسين الشحات جناح الأهلي. وقال مجدي عبدالغني، في تصريحات تلفزيونية عبر فضائية «الشمس»: «في المرة الأولى الناس كانت ترى أن محمد الشيبي له حق بسبب تطاول حسين الشحات، عليه. المرة دي الشيبي، دخل على حسين الشحات، وكان عايز بيطله كورة وده عمره ما كان لعب نظيف، ولا من الأخلاق إن لاعب كورة يعمل كده، الكلام ده يتعمل في الشارع، في دورة رمضانية، يتعمل في أي حتة إلا ملعب كرة قدم، بين فرقتين محترمين أول وتاني الدوري». وأضاف: «واضح جدًا أن إدارة بيراميدز مش عارفة تسيطر على اللعيبة»، مضيفًا: «بعد ما الشيبي، اطرد عايز يلف ويرجع ويروح لحسين الشحات، أنا مش عارف عايز يروح يعمل إيه! رايح يتخانق مع حسين الشحات! أنا لحد دلوقتي مش فاهم الشيبي كان عايز إيه». ووجه مجدي عبدالغني، رسالة للاعب قائلًا: «إنت بتصلح الغلط بغلط، إنت رايح تحط رجلك في ركبته تبطله كورة، بعد ما خدت الكارت الأحمر بتلف عايز إيه؟ زمايلك كان بيمسكوا فيك، أنا كان نفسي يسيبوك عشان نشوف أخرك إيه». وأتم: «إنت متعصب ليه، عايز تلف تضربه تاني! هو شغل فتونة يابني؟! هو إنت بتلعب كورة ولا بتلعب في الشارع؟! الكلام ده كله يحصل في الشارع».
