علق إبراهيم سعيد، نجم نادي الأهلي، ومنتخب مصر السابق، على أنباء رحيل محمد مجدي أفشة لاعب النادي الأهلي إلى الدوري السعودي. وقال سعيد في تصريحات تليفزيونية عبر برنامجه «بلس 90» المذاع على قناة النهار: «أفشة مينفعش يمشي، لاعيب كويس ومجتهد، ومركز دايمًا حتى لو قاعد على الدكة، مش زي اللعيبة اللي بتركز في حاجات تافهة». وأضاف: «على الرغم من عدد الدقائق القليلة اللي بيلعبها أفشة إلا أنه دايمًا بيعمل الفارق، وهو عايز يبقى كويس ويفرح الجمهور وبيفوق نفسه، وكمان عايز يعمل تاريخ لنفسه». وزاد نجم الأهلي السابق: «أفشة ليه دور كبير جدًا مع الفريق حتى لو مش بيلعب أساسي، ده واحد تخصص القاضية، يعني هو ناهيا وبيجيب الناهية». وضرب إبراهيم سعيد المثل ب وليد صلاح الدين، قائلًا: «أفشة زيه، وليد صلاح لما كان بينزل ربع ساعة كان دايمًا بيصنع الفارق وبيرعب أي فرقة، وكان بيلعب رقم 10 بردو وبيلاعب الفرقة». وأتم: «أفشة ترك بصمة مميزة مع الجمهور وبيصنع الفارق قصاد الفرق الكبيرة، زي الزمالك في نهائي دوري أبطال أفريقيا، وفي مباراة بيراميدز بالدوري الممتاز الأخيرة، وبيظهر في الأوقات المصيرية، والخصم بقى عارفة وبيقلق منه».
