أشاد إبراهيم سعيد، نجم الأهلي والزمالك ومنتخب مصر السابق، بلاعب المارد الأحمر، محمد مجدي أفشة، على أداءه المتميز خلال مباراة الأهلي أمام بيراميدز اليوم في الدوري، وهدفه الحاسم ومنح الثلاث نقاط ل فريقه، قائلًا: «أفشة كينج اللعبة وعمل القاضية النهاردة» وقال إبراهيم سعيد في تصريحات تليفزيونية عبر برنامجه «بلس 90»: «شوفنا أفشة النهاردة لاعيب راجل ومركز ودايمًا بقول اللاعيب على الدكة بيكون أهم من اللي في الملعب، ويعمل الفارق، وده اللي حصل من أفشة، لاعيب واقف صح ومركز، وخد قرار التسديد من خارج منطقة الجزاء». وأضاف سعيد: «طول ما اللعيب عنده رؤية للملعب هيكون كينج اللعبة زي ما بيتقال، بيكون مركز مع لاعيبته والخصم، أفشة استلم ورفع عينه وشاط الكورة فهو بالنسبالي كينج اللعبة». وأكمل: «بحيي أفشة على أداءه ورجولته نزل 10 دقايق خلص الماتش، عمل القاضية النهاردة، هو ده اللعيب اللي بيعملك فارق وبيخلصلك ماتش». وواصل: «لاعيبة بيراميدز قعدو على الأرض بعد جون أفشة، وده اللي حصل في نهائي القرن أمام الزمالك بردو هدفه خلص الماتش وخلى اللاعيبة مش عارفه تتحرك».
