انتقد إبراهيم سعيد نجم النادي الأهلي ومنتخب مصر السابق أسعار تذاكر مباراة الأهلي مع بيراميدز موضحًا أنه اعتقد أن هذه أسعار حفلة للمطرب عمرو دياب. وجاءت أسعار تذاكر مباراة الأهلي وبيراميدز التي حددها نادي بيراميدز كالتالي: 200 جنيه لمدرجات الدرجة الثالثة، و2000 جنيه للدرجة الأولى، و5000 جنيه لل«VIP»، وعلق إبراهيم سعيد عليها ساخرًا: «طيب أنا مش عارف دي حفلة دي ولا أيه، ده حفلة عمروة دياب مبتبقاش كده دي أرقام بنشوفها في الحفلات بس والكورة للجمهور مش ليكوا تتحكموا فيهم والدرجة الثالثة ليها سعر معروف». اقرأ أيضًا: هل شمت جمهور الأهلي في رمضان صبحي؟ رد مفاجيء من إبراهيم سعيد وتابع إبراهيم سعيد: «هل ينفع الأسعار دي حتى لو صاحب الأرض هو اللي بيحدد طيب يبقى فيه احترام للجماهير والمواطن البسيط اللي بيحب يقعد في الدرجة الثالثة ويشجع وهل سهل أي حد كده يحدد براحته سعر التذاكر..؟». [image:2:center] وأوضح إبراهيم سعيد: «يا جماعة الكورة للجماهير مش للبيزنس الموضوع مش هيبقى بيزنس في كل حاجة إحنا ما صدقنا إن الجمهور رجع تاني للمدرجات، يا جماعة الناس دي (جمهور الدرجة الثالثة) بتروح الاستاد عشان تستمتع عشان هي اللحظات دي اللي بتدي له طاقة في الحياة وبتفرحه فنقدر الناس شوية مش كده أنا كنت فاكر لما شوفت التذاكر إن الموضوع ده مفبرك لكن طلعت أسعار حقيقية فعلا». وأضاف: «بيراميدز اللي محدد سعر التذاكر وعامل كده عشان جمهور الأهلي ميروحش بس نراعي ظروف الناس شوية، والضغوطات الكبيرة اللي هما فيه، هو خلاص الموضوع بقه سهل أي حد يحدد سعر التذكرة، الكورة من غير جمهور مش كورة».