فتح إبراهيم سعيد، نجم الكرة المصرية الأسبق، النار على مسؤولي نادي بيراميدز بسبب أسعار تذاكر مواجهة الأهلي المقبلة في الدوري المصري الممتاز. ومن المقرر أن يلتقي بيراميدز مع الأهلي يوم الإثنين المقبل، على استاد الدفاع الجوي، ضمن منافسات الدوري المصري الممتاز . وجاءت الأسعار التي حددها نادي بيراميدز لمبارته أمام الأهلي كالتالي: 200 جنيه لمدرجات الدرجة الثالثة، و2000 جنيه للدرجة الأولى، و5000 جنيه لل« VIP». وقال إبراهيم سعيد، في تصريحات خلال برنامجه المذاع على قناة النهار: «الشاب أو الشخص البسيط اللي رايح المباراة ده وهيشتري التذكرة اللي ب 200 جنيه، هيصرف 500 جنيه على الأقل، طيب حضراتكوا تقدروا تجيبوا ال 500 جنيه في يوم في غيرك ميقدرش». وأضاف: «واللي عايز يروح بأسرته، عشان يفرح ابنه أو بنته أو زوجته، يعمل ايه، الرحمة بالناس شوية، في مليون طريقة تكسب منها زي البث التليفزيوني وغيره، بس متكسبش من الناس البسيطة». وتابع: «لو بتعمل كده عشان تضغط على الأهلي يبقى أنت كده غلط، الأهلي مش بتاع ضغط، حاول تكسب الأهلي في الملعب».