تحدث وائل القباني نجم الزمالك السابق، عن أداء محمد الشناوي حارس النادي الأهلي خلال مباراة المارد الأحمر ضد نظيره بيراميدز، والتي انتهت بفوز الأهلي بنتيجة 3-2، في المواجهة التي جمعتهما مساء أمس الجمعة في إطار مؤجلات الجولة 14 من عمر مسابقة الدوري المصري الممتاز النسخة الحالية. وأكد وائل القباني خلال حواره ببرنامج «بلس 90» على قناة «النهار»: «الكورتين اللي وصلوا ل محمد الشناوي دخلوا مرماه، الهدف الثاني ل بيراميدز يتحمل مسؤليته كاملة بسبب خروجه الخاطئ». وأضاف القباني: «الشناوي مش مركز ومستواه في تراجع، وابتعاد مصطفى شوبير عن المشاركة أساسيًا شيء خاطئ، لأن تألق في مباريات كتيرة ومستواه ثابت مع احترامي ل الشناوي نجم مصر، ولكن كل واحد ليه وقته». وأكمل: «الشناوي لما لعب المباريات بيخش مرماه أهداف أغلبها منه، وده ممكن يكون عدم عدالة، والظلم مش حلو ولا ينتصر، أن واحد تاني لما يبقى ماشي كويس مينفعش تقعده دكة لأن الشناوي جاتله نفس الفرصة وركب وقتها». وأتم القباني حديثه: «اللي بيحصل ده إشارة ولو مخسرتش النهاردة ف ده مش معناه أنك ماشي صح، لازم تكون عارف أن الظلم مبينتصرش، في حاجة أسمها حق وباطل، والحق هو اللي بينتصر».