انتقد الإعلامي أحمد حسام ميدو، محمد الشناوي حارس مرمى الفريق الأول لكرة القدم بالنادي الأهلي، مؤكدًا أنه يتحمل مسؤولية هدف الهلال في شباك الأحمر، في المباراة التي جمعت بينهما أمس السبت، خلال منافسات الجولة الثانية من دور المجموعات لدوري أبطال إفريقيا. ينتقد ويدافع.. ميدو يتحدث عن خطأ الشناوي في هدف الهلال أمام الأهلي وأوضح ميدو في تصريحات تليفزيونية عبر برنامج الريمونتادا على قناة المحور: "الشناوي يتحمل مسؤولية هدف الهلال في شباك الأهلي، كان لازم وقفة الشناوي تبقى أفضل من كدة ولكن وقفته صعبت المهمة عليه". موعد مباراة مانشستر يونايتد ضد ليستر سيتي اليوم 19 فبراير في الدوري الإنجليزي.. والقناة الناقلة نجم الأهلي السابق ينتقد كولر بسبب معلول وتابع: "الفاول ده ميدخلش في حارس دولي كبير زي الشناوي، وبداية وقفته من الأول غلط، وكان لازم الشناوي يبقى واخد نص خطوة لبرا، ده كان هيسهل عليه المهمة جدا". وأشار: "هل ده معناه إن الناس تدبح الشناوي؟ لا مفيش حارس مش بيغلط، ومش بتكلم كدة دفاعا عن الشناوي لكن دفاعا عن مبدأ كرة القدم، الشناوي الفترة اللي فاتت كلها باستثناء مباريات كأس العالم للأندية لأن منافسين الأهلي كانوا مميزين ومستويات صعبة، ماشي كويس في معظم مباريات الدوري، والشناوي شايل الأهلي في ماتشات كتير جدًا". وأضاف: "الشناوي بيصد ركلات جزاء وانفرادات صعب أي حارس يشيلها في مصر، بلاش السكاكين تكتر حوالين الشناوي وسهل جدًا يشيل الليلة لوحده، لكن ده ظلم".
