وجه محمد محمد رشوان محامي اللاعب أحمد رفعت جناح الفريق الأول لكرة بنادي مودرن سبورت، رسالة مهمة عقب وفاة اللاعب اليوم السبت. ورحل أحمد رفعت، عن دنيانا اليوم السبت، بعد تدهور حالته الصحية في الساعات الماضية. وكتب رشوان عبر حسابه الشخصي على موقع التواصل الاجتماعي «فيس بوك»: «يا جماعه الخير يا أهل المسلمين.. أحمد رفعت بين أيادى الله. ادعوله بالرحمة والمغفرة بدل النبش وإيه اللي حصل وإيه اللي وصل». أضاف: «وأشوف واحد كاتب هقدم بلاغ ضد هيثم عرابي وواحد كاتب مش عارف مسؤولين نادى إيه وصفحات ومواقع وجرايد اتقوا الله يا جماعة.. الراجل الله يرحمه ائتمنا على أسراره.. ومستحيل كده». وتابع: «الموضوع حصل أيام احتراف أحمد في الإمارات وأزمة وانتهت، وأثرت عليه شوية وعملتله مشكلة لما جه يحترف تاني لأنه كان لاعب كبير وعنده عروض كتير. الدكتور وليد دعبس والكابتن هيثم عرابي هما أصلا اللي حلوا الأزمة دى.. أنا بتكلم كمحامي اللاعب عليه رحمه الله». وأتم: «الله يرحمك يا أحمد ويغفرلك ويسامحك ويسكنك فسيح جناته».