كشفت جهاد ماهر زوجة مطرب المهرجانات عصام صاصا، عن أقوال أحد شهود، في حادث دهس زوجها أحد المواطنين على طريق الدائري. زوجة عصام صاصا تكشف عن أقوال أحد الشهود في حادث الدائري ونشرت جهاد ماهر، أقوال الشاهد من خلال «ستوري» عبر حسبها الرسمي على موقع «انستجرام»، وكتبت: «أنا صاحب العربية الجيلي اللي كانت جنب عصام، وأقسم بالله يا ابن الحلال ما خبطه جنب الرصيف زي ما بيقولوا، خبطه في الحارة التانية أو التالتة وكل فضل يقول إنها كانت الساعة 7 الصبح وفي النور، الكلام ده كان الساعة 5 وكسور في عز الضلمة، وأنا أصلا كنت مهدي علشان الرادار، وبعدها كنت نازل مريوطية، وكنت تالت حارة». أقوال الشاهد و أضاف: «بقلب رعاش لقيت الراجل قدام يدوب حدفت شمال راح عداني، راح العربية اللي جمبي جت شالته الله يرحمه، أقسم بالله ولا أعرف إنه عصام ولا حاجة، خبطه ونزل وممشيش عقبال ما وقف كنت أنا لميت يمين ونزلت أدور على الراجل لقيته جنب الرصيف، وعصام صاصا جي بيجري عليا ومكنش في غير أنا وهو والزبونة اللي في العربية وقعدت تصوّت». و اختتم: «عصام جالي عمال يقولي والله ما قصدي أخبطه، قُلت له الراجل مات يا أخويا وأنا وهو واقفين مفيش أعصاب وجاتله حالة هيستيريا، روحت جبت الفرش من عربيتي روحت مغطيه وأقسم بالله ما في راجل شاف منظر الراجل ولا حتى لما الإسعاف جات، علشان هما شالوه بالفرش على طول، وأقسم بالله أنا ما بنام بسبب الحوار ده والتفكير ومش علشان عصام بس قسما بالله لولا ربنا سترها معايا أنا كنت هكون مكانه». اقرأ أيضا أول تعليق من زوجة عصام صاصا بعد قرار القبض عليه
