رد مطرب المهرجانات عصام صاصا، على الهجوم الموجه له بعد الإفراج عنه اليوم، بتهمة القتل الخطأ. عصام صاصا بعد الإفراج عنه بتهمة القتل الخطأ: «ليه الناس شايفاني وحش؟» وكتب عصام صاصا عبر منشور من خلال حسابه الرسمي على موقع «فيس بوك»: «كل اللي بيحبوني واللي مبيحبونيش واللي شمتانين فيا يركزوا في الكلام ده، طبعا الحمد لله على كل حال وكل اللي يجيبه ربنا خير، بس ليه الناس شايفاني وحش؟ ربنا اللي يعلم أنا الموضوع ده مأثر فيا قد إيه ويا رب ما حد يتحط في ربع الموقف اللي أنا فيه». وأضاف: «ربنا يرحم الراجل اللي أنا شايل ذنبه، وشكله مبيفارقش عيني من ساعة اللي حصل، ويصبر أهله، بس فيه حاجات محدش يعرفها لازم أطلع أوضحها بس أنا مش قادر أحكي حاجة دلوقتي من التعب اللي أنا فيه». أول تعليق من عصام صاصا بعد إخلاء سبيله بكفالة مالية وفي أول تعليق ل عصام صاصا، قال خلال منشور له عبر خاصية «الأستوري» بحسابه الرسمي بموقع الصور والفيديو «إنستجرام»:«الحمد لله على قضاء ربنا اللهم لا اعتراض ربنا يرحم الراجل إلى أنا هفضل شايل ذنبو طول عمري بس ربنا شاهد على إلى حصل ومحدش هيحس بالي أنا شوفتو وعيشتو الساعات إلى فاتت». وتابع :«ربنا يصبر اهلو ويرحموا وشكرا لكل اخواتي إلى سألو عليا وشكرا لكل الناس إلى دفعت عن عصام وعارفه أن عصام عمرو ما يأذي حد بس دا قضاء ربنا». اقرأ ايضا : شاهد الصور الأولى لسيارة عصام صاصا على الدائري بعد القبض عليه (التفاصيل الكاملة)