أكد مروان موسى مغني راب، موسيقى، كاتب أغانى، أن معظم الناس شايفة إن الراب حرام وبيسمعوا مزيكتنا وشايفين إن ده غلط، لكن أنا شايف إن الحاجات المحرمة واضحة أكتر من كدة. وأضاف مروان موسى، خلال حواره ببرنامج «ع المسرح»، مع الإعلامية منى عبدالوهاب، على قناة الحياة، أن اللى بيقولوا إن المزيكا حرام مش موضح، وهى لو محرمة كانت هتبقى واضحة وصريحة اللى هو الغنا والمزيكا حرام، وبحثت في الأمر وجدت إن الحاجات المحرمة بتكون واضحة. ولفت مروان موسى إلى أن نقابة الموسيقيين أكبر كيان بيدعمنى في مصر، وبعتبر المطرب مصطفى كامل نقيب الموسيقيين أخويا الكبير وممكن يوجهنى وباسمع ليه، هو مش عاوز يوقعنى وأكيد اللى بيقوله حاجة أفضل لى، موضحا أن تاريخ مصر في الغناء قديم، وعايزين الناس تقربلنا وتفهمنا، واحنا بنعتمد كتير على الكتابة«.