كشف الفنان خالد النبوي عن نصيحة الفنان الراحل نور الشريف له في بداياته، حيث أكد أنه نصحه بالعمل دائمًا حتى لو في أعمال ليست بالجودة المطلوبة، فذلك أفضل من الجلوس في المنزل انتظارًا للعمل الجيد. وأضاف في لقاءه مع الإعلامي محمود سعد في برنامج sold out: «مش سهل أبدا تكون نور الشريف، ففي بداياتي دخلت المكتب عنده وشاهدت أجزاء كتاب قصة الحضارة، وكان وقتها يعمل لنا لقاء عشان كان عايز شباب من معهد فنون مسرحية لفيلم بيقدمه». وتابع: «لما شاهدت أجزاء الكتاب قلت لنفسي أنا عايز يبقى عندي الموسوعة دي وجبتها فعلاً، دي كتب للبحث وتفضل معاك طول العمر». وأوضح: «كنت برفض الشغل في أوقات كتير لأعمال مش شايفها على المستوى المطلوب، فكان دائماً ما يقول لي لازم تستمر، الاستمرارية هي أساس السينما، اوعى تبعد، لو عندك سيناريو مش عاجبك وهتختار بينه وبين القعدة في البيت، متقعدش في البيت لأن أثناء شغلك هيجيلك السيناريو اللي يعجبك». اقرأ أيضاً: حكاية دور.. لماذا اعتذر نور الشريف عن بطولة فيلم البرىء؟