كشف المطرب رضا البحراوي، عن علاقته بالفنان محمد عادل إمام قائلا إنه «صاحب فضل عليه». وقال رضا البحراوي في لقائه مع الإعلامية إسعاد يونس في برنامج صاحبة السعادة على قناة dmc: «ممتن جدًا لمحمد عادل إمام وهو فنان كبير، ووقف جنبي في هوجان والنمر». وتابع: «كنت بترشح لأعمال كتير قبل هوجان والنمر لكن قطاعين الأرزاق كانوا كتير، وممكن أكون مخلص الأغنية وحد تاني يقوم عارض فلوس وياخد المكان، وحصلت لي مرتين منهم مسلسل كبير أوي ومكنش فيه نصيب». وأضاف: «وأنا في الطريق من طنطا لاقيت النجم بطل المسلسل الكبير بيقولي بلح وفركش ومفيش نصيب، فقُلت حسبي الله ونعم الوكيل ورجعت طنطا تاني، بعد الموقف ده لاقيت مدير أعمال الفنان محمد عادل إمام بيكلمني وقالي الأستاذ عايز يقعد معاك في هوجان، وبيديني تتر بداية ونهاية وغنويتن في المسلسل، قومت ساجد على الأرض وقولت الحمد لله وربنا عايز كده، مسبنيش بعد كده، وقالي مش هسيبك عشان أنتا اتظلمت كتير». واستطرد: «جالي مسلسلات كتير أوي لازم استأذن منه الأول، وأشاوره، ويقولي ده لا وده آه، وهو محترم جدًا وقبل ما أروحله كان حاببني أوي وبيسمعني، وبقوله كفاية أدبك واحترامك وإنصافك لي قدام الناس».