كشف الفنان خالد الصاوي عن أنه ليس نادمًا على دوره في فيلم عمارة يعقوبيان. وأضاف في لقائه مع برنامج سؤال مباشر على قناة العربية، اليوم، أنه :«أنا مش ندمان على أي دور عملته، مهما كان حجم الدور، ومهما كان الفيلم، وخصوصًا في أفلام مثل عمارة يعقوبيان، الفيل الأزرق، الجزيرة، وهذه الأفلام عملت لي خطوات كبيرة في حياتي والأعمدة اللي بنيت عليها مشواري». وتابع :«ما قلته، أن لو اتعرض عليا الدور في الوقت الحاي مش هعمله، لأنه دور انتحاري، تقوم به وأنت اسمك مكتوب بالرصاص ولم يحبر ولم يثبت في المهنة وخاصة يعقوبيان». واستطرد:«لكن لو عملته دلوقتي وأنا عندي جمهور وإحنا في المجتمع ده، فأنا عملت الدور وأنا عندي 40 سنة وكان عندي استبياع، وهل معقول أنهم هيفتكروني كده؟ فعملته، بس بالتأكيد مش هعمله دلوقتي، ولو فيه ممثل قال أنه مش عامل دور عشان بناته فهو صح ومعذور، وأنا مكنش عندي بنات ولا متزوج وقتها، ولو عرض عليا الفيل الازرق دلوقتي مش هعمله، لأن في أدوار تتعمل مرة واحدة فقط».