طالبت الفنانة هيفاء وهبي بقوانين منظمة للسوشيال ميديا وذلك بعد حملة التنمر التي تعرضت لها مؤخرًا حيث طالبت بربط الحسابات الشخصية على الفيس بوك وتويتر بالبطاقة الشخصية. وأَضافت في مداخلة هاتفية: «لازم يكون فيه قوانين منظمة للسوشيال ميديا، اللي عايز يفتح أكونت يفتحه بالبطاقة الشخصية، عشان لما يحصل إهانة شخصية أو أي شئ خارج عن القانون يسهل محاسبته». وتابعت: «لكن لما يكون اسم الأكونت» أبونونة، أم سوسو«أنت مش عارف مين الأسماء دي، فلازم ربط الحسابات الشخصية بالبطاقة». كما وجهت الفنانة هيفاء وهبي رسالة إلى الفنانة يسرا اللوزي بعد التنمر عليها حيث قالت :«ربنا يحفظ بنتها وأكيد ربنا أعطاها أحن أم في العالم عشان متوصلهاش ده، وده مش عيب لأن أكيد الانسان اللي عنده مشكلة في حياته يمكن يكون أحسن من 100 حد بيتنمر». وتابعت:«المهم ميأثرش هذا الأمر على البنت ولا على والدتها، فهي فنانة محبوبة جدًا، فأنا بعزها وبحبها وربنا يحمي بنتها». هيفاء وهبي مع عمرو أديب : كانت قد علقت الفنانة هيفاء وهبي على الجدل الدائر بشأن صورها الأخيرة بحفل موسم الرياض، والتي أظهرتها بملامح مختلفة بدت كبيرة في السن بعض الشيء. قالت «وهبي» في مداخلة هاتفية ببرنامج «الحكاية»، الذي يقدمه عمرو أديب، عبر قناة «إم بي سي مصر»، مساء أمس: «الموضوعات اللي من النوع ده مش بتستوقفني، لأنه ممكن يحصل مع أي حد، والرد الحقيقي هو ظهوري قدام الملايين على الهواء مباشرة، هي دي هيفاء سواء فنيًا أو شكلًا». وأضافت: «موضوع بهذه التفاهة مش هيستوقفني، أو حتى حملة موجهة معروف إنها ورا أشخاص هو ده هدفهم، لأن كنت في بلد راقي جدًا، وفي حدث فني أحسد عليه، فطبيعي يطلع لي أشخاص عايزين يعملوا شوية حركات». وتابعت «وهبي»: «من الواضح إني مستهدفة، خصوصًا كل ما ربنا بيعطي تقدم ونجاح، بيطلع أشخاص بيحبوا يبهدلوا صورتك أو يحفظوا الناس صورة مش بتاعتك، بقولهم إلعبوها المرة الجاية أذكى من كده، وطلوعي على المسرح هو الرد».
