كشفت تقارير صحفية بوليفية في الساعات الماضية عن أن هناك استدعاء لمهاجم النادي الأهلي الجديد برونو سافيو من جانب اللجنة التأديبية في الاتحاد البوليفي لكرة القدم من أجل سماع أقواله في الاتهامات الموجهة له من قبل أحد الحكام. وكان بورنو سافيو قبل انتقاله للأهلي قد انفعل في إحدى المباريات على الحكم وقام بطرده وكشف تقارير عن أنه قام بالتعدي على الحكم. وشن الإعلامي أحمد شوبير حارس مرمى الأهلي ومنتخب مصر السابق هجوما عنيفا على مروجي الشائعات حول مهاجم النادي الأهلي برونو سافيو، مطالبا البعض بالهدوء وتحري الدقة فيما يروجون له. وقال شوبير في تصريحات إذاعية صباح اليوم الأربعاء: «بعض التقارير البوليفية بتقول إن اللجنة التأديبية هتستدعي بورنو سافيو عشان تستمع للي حصل بينه وبين الحكم، هو ما راحش التحقيق لإنه بيلعب هنا في مصر حتى لو استدعوه معرفش هيروح إزاي مشوار صعب شوية وعلى الأهلي أن يتدخل بقوة». وتابع أحمد شوبير: «برونو سافيو خرج وقال الساعات الماضية أنا ما عنديش أي حساب على تويتر بدأنا بقه، وده ليه عشان برونو سافيو ظهر بصورة كويسة فهتلاقي واحد يشيد وواحد تاني يقول لك سافيو ايه ده طلع سافو، وواحد عايز يفطس والمفطسية اشتغلوا حاجة تقرف يعني بصراحة». وأضاف حارس الأهلي السابق: «دائما بقول ما تحكمش بدري كده، إنما عندنا أنت واخد موقف ضد إدارة الأهلي يالا بينا نعمل حفلة تعالى نخبط أي حساب لبرونو سافيو على تويتر ونكتب كلمتين وتبدأ الناس تسخن والولد يرد ونشتت بقه». واختتم :«آه إحنا نحب ونكره بس طبيعي نبقى أسوياء، حضرتك لو مش مقتنع بلاعب ماشي بس اصبر شوية، أنا فيه ناس مش مقتنع بيها بس مش بقول رأيي، مارادونا ده ما نجحش في برشلونة ومشي عمل تاريخ في نابولي، فبراحة شوية الله يخليكم على الناس». تعليق ناري من شوبير بسبب الشائعات المستمرة حول برونو سافيو «ظهوره الجيد زعلهم»https://t.co/nQbyMb5vRf — Ahmed Shobier (@ShobierOfficial) October 12، 2022
