زى الغريب مالى سكن أو ميت مالى كفن على حالى يبكى الشجن النسر ساب العلم نصحونى ما أتكلم أرضى بحالى وأسلم وأمدح.. وفى الكدب أتفنن قالوا بلاش تزعل السلطان كفاية إنه معيشك فى أمان وخليك فى حالك غلبان وبلاش تسمع أى كلام لا معارضة ولا أبريل ولا أخوان قولتلهم يا عالم إحنا بشر ولحالنا اصفر الشجر وخلاص حياتنا كلها خطر كنا بنخاف م الحرامى زمان دلوقتى بنخاف من الغفر والباشا ولا هو هنا وما يعرفش إيه عندنا ينزل يشوف حال الوطن مفيش أكل مفيش علاج مفيش سكن يشوف العالم بتبكى يقولوله فرح وهى على حالها بتبكى والقلب انجرح مننا المستقبل هرب نصرخ ننادى يقولوا شغب يا عالم كفاية نوم اصحى وعبر وقوم مهما قالوا طايش.. غبى مذموم أنا مواطن من أرض الوطن وبحبه وكلى شجن وما تقولش يا صاحبى.. كلامى يسم البدن واعتب ره مجرد شخابيط قلم عبدالرحمن محمد عبدالقادر طالب بطب إسكندرية- قنا