مستنى دورك وكأن كل الخلق بتزاحم طابورك عمال تسابق فى الآدان وبيسبقك أقصى طموحك كام رغيف هتحصله وشه مفقع زى حالك وقوامه أنشف م الحجر اللى يعضعض حاجة من إيد الحكومة أكيد بطل تلفع كتافك حِمْل نخّت بيه الجبال مكتوب فوقيه «احذر خطر» أنبوبة واحدة بالعدد متهربة أغلى بحوالى كام جنيه والكام جنيه مش موجودين وأهو حل م الاتنين بقى لتنفجر لينفجر حِمْلك فوقيك والناس تفكر مدفع القلعة انطلق إيه اللى راح يشغلهم أبعد م الطبق لساك مكدب طب أقول لك إيه!